LAJME NGA KOSOVA

Prishtinë 12 janar- Njeriu që vjet kishte befasuar me deklaratat e tij dhënë medieve kosovare së kishte vrarë njerëz në emër të SHIK'ut dhe që nga dhjetori i vitit të kaluar është i lirë, ka thënë në një intervistë për Koha Ditore së vetëm njëherë ka dal nga shtëpia për t’i rregulluar dhëmbët.

Ditëve të tjera ai nuk ka dalë asnjëherë nga shtëpia e tij, ndërkaq kohën më të madhe e ka kaluar duke lexuar Kodin Penal të Kosovës, gazetat dhe ka shikuar lajmet.

Në këtë intervistë Bllaca ka thënë se ka qenë anëtar i PDK-së dhe “nëntokë e PDK-së”. “Nuk dihet. Mund të ndodhë që nuk e lëshoj PDK-në, por së pari duhet që PDK-ja të sitet mirë dhe të pastrohet”, ka thënë ai.

Bllaca është pyetur edhe për njerëzit që i ka akuzuar e të cilët kanë konkurruar në zgjedhje dhe kanë marrë vota, dhe a do të konkurronte edhe ai në zgjedhje, Bllaca ka thënë se beson që PDK-ja do t’ia “gjejë” ndonjë punë.

“Nëse këta (PDK) e marrin ndonjë resor të rëndësishëm, si për shembull Ministria e Punëve të Brendshme, besoj se do të ma gjejnë një vend pune. E meritoj, se edhe unë bajagi njëfarë krimineli kam qenë. Besoj se ma bëjnë një vend. Unë nuk lyp shumë, një zyre të vogël”, ka thënë Bllaca.

(4883 herë i lexuar)     publikuar më 12.01.2011 në 00:00 nga N.N.

KOMENTI

LAJMET E FUNDIT

LAJMET MË TË LEXUARA