« EDITORIAL » A duhet pos VMRO-DPMNE `Catharsis` sipas A. Grubit edhe në BDI, LSDM e PDSH ?
Pse BDI, Besa dhe Aleanca nuk i drejtohen Gjykatës Kushtetuese ndaj Ivanovit ?
« Zhurnal mëson: » Shtetet e BE-së të përçara për sanksione ndaj Maqedonisë
LSDM, BDI e Lëvizja Besa ende pa pajtim për kryeparlamentarin
Shkolla e parë rajonale dimërore për siguri
133015525.jpg

Shkup, 20 mars - Fakulteti për Siguri - Shkup dhe Qendra për hulumtim dhe krijim të politikave në katër ditët e ardhshme në Shkup dhe në Krushevë organizojnë Shkollë rajonale dimërore - e para në Republikën e Maqedonisë nga sfera e sigurisë.

Krahas profesorëve dhe studentëve nga Maqedonia, Shkolla do të ketë pjesëmarrës edhe prej universiteteve shtetërore nga Kroacia dhe Serbia, ndërsa organizimi i saj është me mbështetjen e Fondacionit "Konrad Adenauer" dhe Qendrës për studime evropiane "Vilfred Martens".

 

Shkolla do të fillojë sot prej orës 14:30 me pritjen zyrtare të pjesëmarrësve në Shkollën dimërore për siguri 2017 në Ministrinë e Punëve të Jashtme nga ministri, Nikolla Poposki.

 

Tema të Shkollës do të jenë sfidat e ardhshme të sigurisë, diplomacisë dhe marrëdhëniet e mira fqinje, radikalizmi fetar, si dhe emigrantët dhe kriza e refugjatëve, duke e pasur parasysh atë që deri në fund të vitit 2016 pothuajse një milion persona udhëtuan përgjatë Ballkanit Perëndimor prej Greqisë drejt Evropës Qendrore si rezultat i rrjedhave më të mëdha të emigrimit në këtë shekull.

 

Siç njofton Fakulteti për Siguri - Shkup kriza me emigrantët ka zbuluar mungesë të koordinimit dhe komunikimit midis vendeve fqinje, politika të ngadalshme dhe politika joefikase, si dhe përgjigje nga Bashkimi Evropian.

Pritet Shkolla dimërore për siguri të ofrojë propozime për këmbimin, bashkëpunimin dhe përforcimin e besimit midis mësimdhënësve, nxënësve dhe praktikantëve të vendeve të rajonit të përfshirë me krizën emigruese: Maqedonia, Serbia, Kroacia, Greqia dhe Bullgaria.

 20.03.2017, 13:09  | Xh.I. | 476 i lexuar

 

© ZHURNAL.mk

 Më tepër 


MARKETINGU    |    IMPRESUM    |    KONTAKT    |    ARKIVA

AGJENCIA E LAJMEVE "ZHURNAL"

Dimitrie Cupovski 4/2-11
Shkup, R. Maqedonisë
Fon: 02 3217 815
E-mail: info @ zhurnal.mk

maqedoniakosovashqiperiabotaekonomikronikasportkultureshowbizteknologji
© 2017 ZHURNAL
Të gjitha të drejtat e përmbajtjes në këtë portal janë të rezervuara.
Ndalohet ribotimi i përmbajtjes (lajmeve dhe të gjitha shkrimeve të tjera) pa lejen me shkrim të portalit "Zhurnal".
Çdo përdorues publik i përmbajtjes sonë pa autorizimin e posaçëm nga "Zhurnal" rrezikon të ballafaqohet me ligjin.