« Në emisionin e rradhës në INSIDE do të ndiqni » KU ËSHTË SHTABI I XHIHADISTËVE NË MAQEDONI?
« Han në Shkup, Zaev në Beograd, mbledhja e Strumicës » Çfarë po "zihet" në kazanin e Maqedonisë?
Bexheti: Ligji i gjuhës shqipe hap pozitiv por jo përfundimtar
« Analizë » Çereki i qytetarëve të Maqedonisë janë anëtar të VMRO-së, LSDM-së dhe BDI-së
Trupat irakiane përparojnë në Qytetin e Lashtë të Mosulit
0C146567-AF4E-4A7B-8304-EA9FAFA3660B_w1023_r1_s.jpg

Trupave irakiane u duhet të tregohen të kujdesshme për të kursyer jetën e civilëve dhe ndërtesat e lashta ndërsa luftojnë kundër Shtetit Islamik në Qytetin e Vjetër të Mosulit. Qeveria thotë se forcat e saj kanë shënuar përparime të reja në Mosulin Perëndimor, por militantët, të cilët janë fshehur në zonat e populluara dendur me civilë, janë duke bërë një rezistencë të fuqishme.

Ushtria irakiane, me mbështetjen e helikopterëve, ka avancuar në Mosulin perëndimor, deri në rajonin përreth xhamisë al-Nuri. Marrja e kontrollit të xhamisë ku udhëheqësi i Shtetit Islamik dha një predikim me shumë publicitet në korrik të vitit 2014, është një fitore me simbol e qeverisë. Por rimarrja e kontrollit të qytetit të lashtë të Mosulit po shoqërohet me sfida.

"Ky është një rajon ndër më të vështirët, kaotik dhe i padepërtueshëm, por forcat tona mundën të dilnin jashtë automjeteve dhe të hynin në Qytetin e Vjetër,”- thotë gjeneral-lejtnant Abdullah.

Militantët po shfrytëzojnë sulmet vetëvrasëse me bombë për të bllokuar avancimin e trupave qeveritare. Komandantët ushtarakë thonë se luftimet në Qytetin e Vjetër me popullsi të dendur janë tepër e vështira.

"Sfida është së pari shmangia e goditjes së civilëve, sepse IS është duke i përdorur ata si mburoja njerëzore. Së dyti, kjo është një zonë e vështirë, ngaqë është shumë e vjetër dhe mund të përdorim më pak armatime të rënda,” thotë një gjeneral irakian.

Civilët po largohen nga Mosuli Perëndimor me shumë pak mjete dhe me të plagosurit nga minat e tokës apo kurthet e ndryshme.

"Këtu sheh trupa të shtrirë në tokë; ata u vranë në një kurth të ngritur nga militantët. Janë 15 trupa që kanë filluar të prishen. Donim t’i merrnim, po militantët nuk na lanë. Na qëlluan me armë,”- thotë një banor.

 

Në tetor, qeveria irakiane filloi një operacion masiv me mbështetjen e Shteteve të Bashkuara për të rimarrë kontrollin e Mosulit nga Shteti Islamik. Rreth 250,000 janë zhvendosur nga rajoni që kur filloi beteja.

"Situata është e tmerrshme. Shteti Islamik na ka shkatërruar. Nuk ka ushqime, madje as bukë. Asgjë,” tregon një​ irakian.

Por ata që kanë mundur të shpëtojnë ndjehen me fat. Më tepër se gjysëm milioni civilë kanë mbetur të izoluar nga militantët në Qytetin e Lashtë të Mosulit.

"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."
 20.03.2017, 15:23  | Xh.I. | 610 i lexuar

 

© ZHURNAL.mk

MË TË LEXUAR
4 momentet kur Nora Istrefi doli pa të brendshme (Foto)
« Në emisionin e rradhës në INSIDE do të ndiqni » KU ËSHTË SHTABI I XHIHADISTËVE NË MAQEDONI?
Paralajmërohet shi, erë dhe borë e fuqishme ditëve në vazhdim
Kryetari i Kumanovës Dimitrievski me dy shefa kabineti, njëri shqiptarë
Video nga aksioni i mbrëmshëm i MPB dhe DAP në Tetovë, Gostivar dhe Prilep
 


MARKETINGU    |    IMPRESUM    |    KONTAKT    |    ARKIVA

AGJENCIA E LAJMEVE "ZHURNAL"


Shkup, R. Maqedonisë
Fon: 02 3217 815
E-mail: info @ zhurnal.mk

maqedoniakosovashqiperiabotaekonomikronikasportkultureshowbizteknologji
© 2017 ZHURNAL
Të gjitha të drejtat e përmbajtjes në këtë portal janë të rezervuara.
Ndalohet ribotimi i përmbajtjes (lajmeve dhe të gjitha shkrimeve të tjera) pa lejen me shkrim të portalit "Zhurnal".
Çdo përdorues publik i përmbajtjes sonë pa autorizimin e posaçëm nga "Zhurnal" rrezikon të ballafaqohet me ligjin.