Lokalet, LSDM me billborde në gjuhën shqipe, komenton Ramadani
S'ka oferta reale nga predendetët për kryekomunar
Partitë me "alamet" aktivitete për të fituar zemrat dhe votat e qytetarëve
A do të kemi premtime marramendëse sikur gjatë fushatës të vitit 2013? Flasin analist..
“Dunkirk”, një film për kodet patriotike
dunk.jpg

Skica e “Dunkirk” të Christopher Nolan është një kthesë e mençur tek një trilogji e njohur: toka, uji dhe ajri.

Nolan analizon një javë luftimesh gjatë Luftës së Dytë Botërore, nga 26 maji deri më 4 qershor të vitit 1940, dhe përpjekjet për të shpëtuar trupat britanike dhe ato franceze në ato tri komponentë: dhe jep secilën herë një kornizë (një javë, ditë, orë) që korrespondon me shpejtësinë e saj.

Kësisoj, filmi kalon në kohë, me çdo aksion që shpaloset, derisa të tria temat bashkohen në konkluzionin evident të filmit, tërheqjen e suksesshme të më shumë se 300 mijë ushtarëve gjatë Kanalit anglez nga Dunkirk i Francës, në Britani të Madhe, shkruan “The Newyorker”, transmeton “Koha Ditore”. Filmi vë në qendër ushtarët britanikë: ata francezë janë prezantuar shkurtimisht, por në mënyrë melodramatike.

Mbrojtja e kësaj force luftimi natyrisht se ishte vendimtare për mbrojtjen e Britanisë së Madhe dhe të rezultatit përfundimtar të luftës: tërheqja ishte mposhtje që u ndihmoi ta sigurojnë fitoren. Mënyra sesi e ndërton Nolan filmin shndërrohet në një mozaik dhe thyen ndjenjën e një harku të unifikuar dramatik në një seri anekdotash vrojtuese për veprimet e izoluara e konfrontimet e vetmuara.

Regjisori vë në qendër të vëmendjes veprimet e kurajës dhe heroizmit, të varura nga detajet e pafundme të zgjedhjes dhe shansit nga të cilat edhe varen të gjitha ngjarjet e përgjithshme historike. Duke ndarë tri linja e fusha veprimesh, Nolan sugjeron pasigurinë, rastësinë gati metafizike dhe sinergjinë në dukje të mrekullueshme të ngjarjeve të ndryshme prej të cilave varej rezultati.

Shansi i pastër peshon rëndë në skenën hapëse, për shembull, në të cilën shihet një ushtar britanik – që sapo ka ikur nga një breshëri plumbash në rrugët e Dunkirkut, i cili arrin në plazh, ku qindra ushtarë të tjerë janë rreshtuar dhe presin të hipin në anije. Papritmas një bombardues gjerman u fluturon mbi kokë: ushtarët shtrihen përtokë, bomba bie dhe disa ushtarë përshihen në flakë, derisa të tjerë ngrihen, e përmbledhin veten e nisen drejt anijeve.

Kjo skenë e përgjakur hapëse është sinjal i parë që “Dunkirk” nuk është “Saving Private Ryan”. Nolan i zhduk gjymtimet dhe agonitë e luftës për t’u fokusuar në horronin bazë të moralit të saj. “Dunkirk” është një film paradoksesh: tema e tij është personazhi, modeli i burrave që përballen me vendime që mund të nënkuptojnë jetën apo vdekjen për ta dhe të tjerët.

"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."
 11.09.2017, 10:04  | L.E. | 663 i lexuar

 

© ZHURNAL.mk

 Më tepër 

MË TË LEXUAR
Zijadin Sela në konventën promovuese: Ku ishin Ali Ahmeti dhe Menduh Thaçi kur u zgjodh kryetari i Parlamentit, Talat Xhaferi
Enca Haxhia në tuta të kuqe, i duket gjoksi por edhe… (FOTO)
PDSH "dorëzohet", tërhiqet nga gara për Strugën, a do të mbështet të inkriminuarin Ramiz Merko?!
Djali 2 vjeçar, pjesëmarrës në simpozium shkencor!
« Ministria e Transportit dhe Lidhjes » 20 milion euro për 20 komuna, projekt për rrjetin e kanalizimit dhe ujësjellësit
 


MARKETINGU    |    IMPRESUM    |    KONTAKT    |    ARKIVA

AGJENCIA E LAJMEVE "ZHURNAL"


Shkup, R. Maqedonisë
Fon: 02 3217 815
E-mail: info @ zhurnal.mk

maqedoniakosovashqiperiabotaekonomikronikasportkultureshowbizteknologji
© 2017 ZHURNAL
Të gjitha të drejtat e përmbajtjes në këtë portal janë të rezervuara.
Ndalohet ribotimi i përmbajtjes (lajmeve dhe të gjitha shkrimeve të tjera) pa lejen me shkrim të portalit "Zhurnal".
Çdo përdorues publik i përmbajtjes sonë pa autorizimin e posaçëm nga "Zhurnal" rrezikon të ballafaqohet me ligjin.