Ministri Taravari dhe Zv/Ministri Transportit dhe Lidhjeve Mehmedi vizituan spitalin..
Dega e BDI-së, Çair: Shumë pluhur për asgjë
Selmani: Fushata e zgjedhjeve lokale është bartur edhe në parlament
Komuna e Gostivarit ka pajisur me automjete profesionale NP "Komunalec"
Muslimanët amerikanë protestë në New York kundër Mianmarit
thumbs_b_c_684718b20eced25f23bbdc75cedde4d2.jpg

Muslimanët amerikanë u tubuan para përfaqësisë së përhershme të Mianmarit në Kombet e Bashkuara për të protestuar kundër masakrave ndaj muslimanëve në Arakan, raporton Anadolu Agency (AA).

 

Adem Caroll, përgjegjës i programeve të OKB-së pranë organizatës Task Forca për Mianmarin në fjalën e tij kritikoi qeverinë e Mianmarit dhe i bëri thirrje muslimanët për të ndërmarrë aksion.

 

"Gjendja në Arakan po përkeqësohet çdo ditë e më shumë. Me lejen e Zotit, ne mund të bëjmë ndonjë plan aksional, e jo të mbetemi vetëm me shprehjen e zemërimit tonë", theksoi Caroll.

 

"Turp për Mianmarin. Qeveria e Mianmarit fshihet prapa Kinës në OKB. I vë veto rezolutave që nuk i do", tha Caroll, duke e theksuar pasivitetin e OKB-së në këtë çështje.

 

"Ndaleni gjenocidin", "Nuk e duam luftën tuaj të përgjakshme", ishin disa nga sloganet e protestuesve, të cilët bënë lutje për muslimanët e persektuar në Arakan.

 

Një numër i madh i muslimanëve të Arakanit kanë humbur jetën që nga 25 gushti si rezultat i sulmeve të ushtrisë së Mianmarit, e cila pohon se është duke luftuar militantë të armatosur. 

 

Gjatë sulmeve të ushtrisë dhe budistëve radikalë janë shënjestruar mbi 150 fshatra, ndërsa dhjetëra prej tyre janë djegur. Dhjetëra mijëra muslimanë të Arakanit përpiqen të ikin nga rajoni për shkak të sigurisë, duke shkuar në zona relativisht të sigurta ose duke u përpjekur ta kalojnë në Bangladesh.

 

Më shumë se 300 mijë muslimanë të Arakanit kanë arritur në Bangladesh që nga 25 gushti. 

 

Numri i saktë i viktimave ende nuk mund të verifikohet, për arsye se qeveria e Mianmarit nuk lejon hyrjen e organizatave ndërkombëtare. Organizatat e shoqërisë civile në Arakan bëjnë të ditur se numri i civilëve që kanë humbur jetën ka kaluar mbi një mijë, ndërsa disa të tjera pohojnë se bilanci është disa mijëra.

"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."
 12.09.2017, 10:59  | Z.H. | 194 i lexuar

 

© ZHURNAL.mk

 Më tepër 

MË TË LEXUAR
Ky është burri që po e do Adelina Tahiri (Foto)
« Analizë "BIRN" » Kryetari i Haraçinës Ajvazi "dështak", nuk ka realizuar asnjë premtim prioritar gjatë mandatit të tij
Për herë të parë zëvendës kryetari i Shkupit do të jetë shqiptar, Trajanovski promovon profesor Muhamed Ametin
« Analizë » Zgjedhjet lokale për Bilall Kasamin “të jesh apo të mos jesh” !
Tragjedi në Tetovë, trajner i futbollit vdes në trajnim
 


MARKETINGU    |    IMPRESUM    |    KONTAKT    |    ARKIVA

AGJENCIA E LAJMEVE "ZHURNAL"


Shkup, R. Maqedonisë
Fon: 02 3217 815
E-mail: info @ zhurnal.mk

maqedoniakosovashqiperiabotaekonomikronikasportkultureshowbizteknologji
© 2017 ZHURNAL
Të gjitha të drejtat e përmbajtjes në këtë portal janë të rezervuara.
Ndalohet ribotimi i përmbajtjes (lajmeve dhe të gjitha shkrimeve të tjera) pa lejen me shkrim të portalit "Zhurnal".
Çdo përdorues publik i përmbajtjes sonë pa autorizimin e posaçëm nga "Zhurnal" rrezikon të ballafaqohet me ligjin.