Emigrantët, gjendja emergjente vazhdohet edhe për një vit
maqedonia
Emigrantët, gjendja emergjente vazhdohet edhe për një vit

Emigrantët, gjendja emergjente vazhdohet edhe për një vit

Shkup, 8 nëntor - Qeveria propozoi vazhdimin e gjendjes së krizës me emigrantët. Sipas tyre periudhën e fundit është rritur ndjeshëm numri i emigrantëve që hynë në Maqedoni sidomos në mënyrë joligjore. Propozim vendimi i qeverisë parashikon që gjendja emergjente të vijojë të paktën edhe për gjashtë muaj.

"Për shkak të numrit të shtuar për hyrje dhe tranzicionit të emigrantëve në territorin e Republikës së Maqedonisë i propozohet Kuvendit të merr vendim për shtyrjen e afatit deri më 30 qershor 2019. Ata që kalojnë në mënyrë ligjore janë ndonjëherë 10 gjatë ditës, ndonjëherë 90. Por, tani bëhet fjalë për lëvizje ilegale", tha Agron Buxhaku- Drejtor i Qendrës për menaxhim me kriza

Emil Dimitriev nga VMRO-DPMNE  thotë se në të kaluarën Armata ka qenë më e angazhuar në luftën me emigrantët por se tani duhet që qeveria të mendoj për përforcimin e kapaciteteve.

"Qëndrimi jonë për këtë çështje është konzistent, çdoherë e mbështesim propozimin për shtyrjen e afatit për situatën kritike me emigrantët.Thelbi i vendimit është që të mundësohet bazë ligjore për angazhimin e Armatës. Misioni dhe detyrat e Armatës janë komplet të ndryshme dhe vlerësoj se shteti duhet të mendoj diçka afatgjatë për përforcimin e kapaciteteve për përballje me krizën me emigrantët në situatë kur Armata mund që të mos jetë prezent", theksoi Emil Dimitriev- Deputet i VMRO-DPMNE-së

Afati paraprak i gjendjes së krizës së emigrantëve ishte deri më 31 dhjetor të vitit 2018, ndërsa afati i ri do të vlejë deri më 30 qershor të vitit 2019.

© ZHURNAL 08.11.2018, 15:29 | D.J. | 542 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."