BE-ja mbështet zgjidhjen me dy shtete: Palestinë- Izrael
bota
BE-ja mbështet zgjidhjen me dy shtete: Palestinë- Izrael

BE-ja mbështet zgjidhjen me dy shtete: Palestinë- Izrael

Bruksel, 9 nëntor - Përfaqësuesja e Lartë e Bashkimit Evropian (BE) për Politikë të Jashtme dhe Siguri, Federica Mogherini, ka zhvilluar një takim në Bruksel me ministrin e Jashtëm të Palestinës, Riyad al-Maliki.

Sipas një deklarate nga Shërbimi i Marrëdhënieve me Jashtë i Komisionit Evropian, Mogherini dhe Maliki në Bruksel kanë diskutuar për problemin Palestinë - Izrael dhe në lidhje me zgjidhjen me dy shtete.

Në deklaratë theksohet se Mogherini ka ripërsëritur se "zgjidhja me dy shtete është rruga e vetme për t’i dhënë fund konfliktit Izrael - Palestinë" dhe se Mogherini dhe Maliki kanë vlerësuar situatën në Gaza.

Ndërkohë në anën tjetër bëhet e ditur se Maliki gjatë ditës ka zhvilluar një takim edhe me ministrin e Jashtëm të Belgjikës, Didier Reynders.

Në një postim nga llogaria e tij në median sociale pas takimit, Reynders kishte njoftuar se "Është rritur statusi i misionit të Palestinës në Bruksel".

© ZHURNAL 09.11.2018, 11:09 | Xh.I. | 430 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."