Shteti Islamik merr përgjegjësinë për sulmin në Melburn të Australisë
bota
Shteti Islamik merr përgjegjësinë për sulmin në Melburn të Australisë

Shteti Islamik merr përgjegjësinë për sulmin në Melburn të Australisë

Grupi militant Shteti Islamik tha se një prej pjesëtarëve të tij ka kryer një sulm me thikë, të premten në Melburn të Australisë, ku një person u vra dhe dy u plagosën.

Shteti Islamik e pranoi përgjegjësinë në ueb-faqen e tij Amaq, por nuk dha prova për pretendimet e tij.

Komisionari i policisë australiane, Graham Ashton, tha se i dyshuari, me prejardhje nga Somalia, ka qenë i njohur për policinë dhe se incidenti po trajtohet si terrorizëm.

Policia tha se ai ka sulmuar tre kalimtarë me thikë, pasi ka dalë nga një kamion, i cili më pas është përfshirë nga flakët, përcjell rel.

Ai po ashtu bëri përpjekje të sulmojë oficerët e policisë, që arritën në vendin e ngjarjes, përpara se të qëllohej nga ta.

I dyshuari vdiq më pas në spital.

© ZHURNAL 09.11.2018, 15:06 | Xh.I. | 1,022 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."