PSP hyn në kompaninë e biznesmenit të njohur Kamçev
maqedonia
PSP hyn në kompaninë e biznesmenit të njohur Kamçev

PSP hyn në kompaninë e biznesmenit të njohur Kamçev

Shkup, 9 nëntor - Prokurorë të Prokurorisë Publike Speciale sot nga mëngjesi kanë hyrë në zyrat e kompanisë së biznesmenit të njohur Orce Kamçev. Kontrollet po kryhen nga ora 6 e mëngjesit në selinë e kompanisë “Orka Hollding” në Shkup dhe firmat e tjera që janë jashtë kryeqytetit, informon portali SDK.mk.

Nga PPS dhe MPB nuk japin detaje se për çfarë aksioni po bëhet fjalë dhe se çfarë po kërkohet në selinë e biznesmenit të njohur shkupjan, emri i të cilit lakohet për lidhjet që kishte gjatë qeverisjes së kaluar, sidomos me ish-shefin e shërbimit sekret Sasho Mijallkov. Kjo kompani ishte pronare e shumë biznesneve, duke filluar nga biznesi me prodhimtarinë në sferën e tekstilit, duke u përfshirë edhe në sferën e mediave, pasi që ishte bashkëpronare e disa gazetave të përditshme, që më pas u shuan.

 

© ZHURNAL 09.11.2018, 09:55 | Xh.I. | 2,476 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."