Agjencia Zhurnal.mk
Bota

​Suedia do të rrisë buxhetin e saj ushtarak për shkak të tensioneve në rajon

Parlamenti suedez miratoi sot një rritje prej 40 për qind në buxhetin e mbrojtjes për 2021-2025, duke shpjeguar se tensionet në rajonin e Detit Baltik janë rritur në vitet e fundit, me zyrtarë që thonë se Rusia është arsyeja kryesore për lëvizjen.

Asambleja, e cila ka 349 anëtarë, miratoi sot rritjen më të madhe në buxhetin ushtarak në 70 vjetët e fundit, raporton AP.

Ministri i Mbrojtjes Peter Hultquist i tha asamblesë para votimit se “ky është investimi më i madh që nga vitet 1950”.

“Ne shohim një mjedis të ri të sigurisë dhe se ata (Moska) janë të gatshëm të përdorin fuqinë ushtarake edhe për të përmbushur qëllimet politike”, tha Hulquist më vonë për Associated Press.

Ai tha se rritja vjen “për shkak të situatës së re të sigurisë me agresionin rus ndaj Gjeorgjisë, aneksimit të Krimesë, konfliktit në Ukrainë, aktiviteteve në Bjellorusi, azhurnimit të aftësive ushtarake ruse, ushtrimeve shumë komplekse, aktivitetit në Arktik dhe në zonën e Detit Baltik. ”

Propozimi u paraqit në tetor nga qeveria e pakicës suedeze Social Demokrate-Partia e Gjelbër dhe ai mori mbështetjen e menjëhershme nga dy grupe më të vogla të opozitës.

“Ka shumë për të sugjeruar që aftësitë ushtarake të Rusisë në terma absolutë do të rriten gjatë periudhës së ardhshme 10-vjeçare”, thuhet në propozimin e miratuar.

Plani parashikon rritjen e forcave të armatosura nga aktualisht 55.000 në 90,000 deri në vitin 2030. Disa regjimente të shpërndara do të rikrijohen dhe numri i rekrutëve do të rritet në 8.000 në vit, që është një dyfishim krahasuar me 2019. Marina do të marrë pajisje të reja, përfshirë një nëndetëse të pestë dhe përmirësimet në armatim.

Suedia gjithashtu do të rrisë aftësinë e saj për të parandaluar dhe trajtuar kërcënimet kibernetike dhe dëshiron që forcat e armatosura – së bashku me agjencitë e inteligjencës – të krijojnë një qendër të sigurisë kibernetike.

Ndryshe, Suedia aktualisht shpenzon 1.1 për qind të prodhimit të brendshëm bruto në mbrojtje. Udhëzimet e lëshuara nga NATO, në të cilën Suedia nuk është anëtare, këshillojnë që anëtarët të shpenzojnë 2 për qind, megjithëse shumë nuk e arrijnë atë synim.

Në dhjetor 2017, Suedia vendosi të krijojë regjimentin e parë ushtarak të vendit që nga Lufta e Dytë Botërore – një njësi prej 350 ushtarësh bazuar në ishullin me rëndësi strategjike Gotland, në Detin Baltik.

Postime të ngjashme

Italia në alarm nga mutacioni i ri: Fëmijët e kopshteve dhe shkollave po injektojnë në masë familjet e tyre

T E

Falsifikoi rrëmbimin e tij për të shmangur shkuarjen në punë

T E

Sllovakia zgjat gjendjen e jashtëzakonshme

T E

Siria dënon sulmet amerikane kundër milicive pro-iraniane

T E

Në dyshim plani i Netanyahut për t’u dhuruar vaksina shteteve mike

T E

Ish-mbreti spanjoll paguan 4.4 milionë euro, pas skandaleve

T E

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...