Agjencia Zhurnal.mk
Bota

4 raketa godasin Zonën e Gjelbër ku ndodhet ambasada amerikane

Katër raketa goditën Zonën e Gjelbër në Bagdad të martën, sipas ushtrisë së Irakut, duke plagosur të paktën dy persona dhe duke sinjalizuar fundin e një armëpushimi jo zyrtar të shpallur nga kryengritësit e mbështetur nga Irani në Tetor.

Raketat u shkrepën nga lagjia al-Amin al-Thaniyah e Bagdadit, sipas deklaratës së ushtrisë irakiane.

Dy zyrtarë irakianë të sigurimit thanë se raketat shpërthyen vetëm 600 metra larg ambasadës amerikane dhe u interceptuan nga sistemi i mbrojtjes ajrore C-RAM i instaluar nga Shtetet e Bashkuara në fillim të këtij viti.

Askush nuk e ka marrë përgjegjësinë për sulmin.

Dy anëtarë irakianë të sigurisë u plagosën në këtë sulm, thanë zyrtarët. Ata folën në kushte anonimiteti në përputhje me rregulloret ushtarake.

Sulmet e shpeshta që kanë në shënjestër ambasadën amerikane kanë bërë që Uashingtoni të kërcënojë të mbyllë misionin e tij diplomatik në Bagdad dhe shkaktoi një krizë diplomatike para zgjedhjeve presidenciale në Shtetet e Bashkuara.

Në mes të tetorit, grupet kryengritëse të mbështetura nga Irani njoftuan se do të ndalnin përkohësisht sulmet kundër pranisë amerikane në Irak, përfshirë ambasadën, me kusht që trupat e koalicionit të drejtuara nga Shtetet e Bashkuara të tërhiqeshin nga vendi.

Sulmi vjen pas një njoftimi të fundit nga Pentagoni për uljen e nivelit të trupave në Irak nga 3,000 në 2,500.

Një tërheqje e planifikuar ka qenë duke u zhvilluar në Irak për muaj me radhë, me tërheqjen e një numri trupash të koalicionit nga disa baza irakiane./VOA

Postime të ngjashme

Polici amerikan nuk ndahet së qari pasi u detyrua ta vrasë 19-vjeçaren – familja “ia fal gjakun”

Dafina Vidishiqi

Fauci: Varianti Indian, kërcënimi më i madh në luftën kundër Covid-19

Dafina Vidishiqi

Pamjet kur një burri rom në Çeki, polici ia vuri gjurin në qafë – vdekja e tij po krahasohet me atë të George Floyd në SHBA

Dafina Vidishiqi

New Yorku nuk është më qyteti me më së shumti miliarderë

Dafina Vidishiqi

Szijjarto: BE mund ta humbasë Ballkanin Perëndimor

Dafina Vidishiqi

Spanja fal liderët katalanas për përpjekjet e dështuara për pavarësi

Dafina Vidishiqi

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...