263
Kylian Mbappe u paraqit në Valdebebas këtë mëngjes për testet e para mjekësore si lojtar i Real Madridit dhe i përfundoi ato me sukses.
Prezantimit të Mbappes po i afrohen minutat e fundit, pasi francezi tashmë gjendet në Madrid ku ka përfunduar edhe testet mjekësore.
Mijëra tifozë ishin dalë ta presin yllin francez duke kërkuar autografe menjëherë pasi ai mbërriti në qendrën mjekësore.
Nuk munguan nënshkrimet nga Mbappe, i cili pati edhe disa fjalë për mediat.
“Ëndrra ime është përmbushur me siguri”, u tha Mbappe gazetarëve në një mesazh të qartë për tifozët e Los Blancos.
Ndryshe, Mbappe është transferuar si lojtar i lirë te Mbretërit, pasi vendosi të mos e rinovojë kontratën e tij me Paris Saint-Germain.
Ai do ta mbajë fanellën me numër 9 te Real Madridi.