Arrestohet një 42-vjeçar në Gostivar, kërkohej për vuajtjen e dënimit me burg

MPB njofton se ka ndaluar personin M.M. (42) nga fshati Debresh i Gostivarit.

Ai ishte i dënuar me 10 vite burg për kryerjen e disa veprave penale “vjedhje e rëndë” dhe “vjedhje”, ndërsa po kërkohej me fletarrest qendror me vendim të gjykatës për shkak të arratisjes nga burgu i Idrizovës i cili duhet t’i vuante edhe gjashtë vjet burg.

Ai është dërguar në stacionin policor dhe pas dokumentimit të plotë të rastit do të dërgohet në burg.