Shkup, 12 tetor – VLEN po përgatit ligj të ri, i cili shpresoj që javën e ardhshme do të jetë në debat publik dhe do të jemi në koordinim me partnerët e koalicionit, njoftoi ministri i shëndetësisë, shpreh Arben Taravari nga VLEN.
“Domethënë balancuesi është konstatuar se nuk ka funksionuar siç duhet dhe na duhet ligj për përfaqësim të drejtë jo vetëm etnik, por edhe për të gjitha kategoritë të cilat janë të them, të margjinalizuar në shoqëri”, theksoi Taravari.
Sipas kryeministri Hristijan Mickoski, Zgjidhja e re ligjore për përfaqësim të drejtë që duhet ta zëvendësojë balancuesin, duhet të jetë në përputhje me Kushtetutën, ndërkaq para se të miratohet duhet dërgohet për mendim në Komisionin e Venedikut. Ai deklaroi se është i njoftuar dhe janë duke u koordinuar me VLEN për draftin e ligjit të ri.
”Atë që e di është se zgjidhja e re ligjore patjetër të jetë kushtetuese dhe patjetër të jetë në pajtueshmëri me rekomandimet e Komisionit të Vendikut dhe për atë, ndoshta është më mirë që para se të miratohet në Kuvend të dërgohet për mendim”, tha Mickoski, duke shtuar se nuk duhet të vijmë në situatë të këtillë në të cilën tani sillemi që ne të tregojmë, të transformohemi në ekspertë të të drejtës kushtetuese, a nuk jemi”, tha Hristijan Mickoski, kryeministër i RMV.
I pyetur nëse BDI do ta shfrytëzojë çështjen për të shkaktuar destabilizim, Mickoski tha se BDI po flet kundër vetvetes pasi që derisa kanë qenë në pushtet kanë propozuar që të shfuqizohet balancuesi.
“Duhet ta kenë qartë qytetarët, cila BDI e flet të vërtetën. Ajo në vitin 2023 kur e miratuan këtë Strategji në Administratën Publike, qartë thotë se do të hiqet balancuesi, ose kjo BDI në opozitë e cila ka shumë para që dëshiron t’i mbrojë, nuk mundet të mobilizojë njerëz, dhe keqpërdor dhe gënjen në tema nacionale dhe e kritikon këtë BDI që ka votuar atëherë”, theksoi Hristijan Mickoski, kryeministër.