Kryetari i Komunës së Pejës, Gazmend Muhaxheri, ka deklaruar pasurinë e tij për vitin 2024 në Agjencinë për parandalimin e korrupsionit, duke përfshirë të ardhura të larta, prona të shumta të paluajtshme si dhe mjete financiare të fituara përmes qirasë dhe mëditjeve jashtë vendit.
Sipas dokumentit të publikuar, Muhaxheri ka të ardhura vjetore që arrijnë mbi 52 mijë euro, të përfituara nga:
Paga si kryetar i komunës – 15,332.28 euro
Qiraja – 33,600 euro
Mëditje për udhëtime zyrtare në Gjermani, Francë, Greqi dhe SHBA – mbi 3,800 euro
Bashkëshortja e tij, e punësuar në Universitetin e Prishtinës, ka deklaruar të ardhura prej 18,912 euro në vit.
9 prona të paluajtshme dhe 3 automjete të deklaruara
Muhaxheri ka deklaruar 9 prona të paluajtshme, përfshirë:
Tokë me sipërfaqe të madhe, duke përfshirë një parcelë prej 49733 m2, me vlerë 97,660 euro
Një objekt tjetër i ndërtuar rishtazi me vlerë 138,000 euro
Në total, vlera e këtyre pasurive kalon 1.5 milion euro.
Sa i përket pasurive të luajtshme, janë deklaruar dy vetura në pronësi të bashkëshortes:
BMW i vitit 2017 – 12,000 euro
Veturë tjetër e vitit 2012 – 5,000 euro
Të dy automjetet janë blerë përmes kredive.