Agjencia Zhurnal.mk
Maqedoni

A do të largohen anijet në lumin Vardar ?

Shkup, 31 janar, Zhunal.mk – Asnjë nga tre anijet në lumin Vardar nuk është hequr, ndërsa kryetari i Shkupit, Petre Shilegov, paralajmëroi rrënimin e tyre që kur erdhi në pozicionin e kryetarit tre vjet më parë. Ka kaluar gati një vit që kur Shilegov në konferencë shtypi, të mbajtur më 9 mars para gazetarëve dhe kamerave, e nënshkroi vendimin për heqjen e galerës te MEPSO. Pastaj ai tha se e kishte ndërprerë kontratën për anijen sepse nuk kishte punuar dhe nuk kishte paguar qira, megjithëse Qyteti i Shkupit i kishte dërguar vendim kompanisë “Fallanga Heronea SHPKNJP” në vitin 2018 se duhet të fillonte të punojë, raporton SDK.

Kah fundi i qershorit, kryetari i bashkisë njoftoi se kontrata për galerën te Holiday Inn gjegjësisht anijen “Fati” (Sreqa) u ndërpre për shkak të qirasë së papaguar për 4 muaj.

Megjithatë, asnjë nga dy galerat nuk është hequr deri më tani, ndërsa Shilegov ka deklaruar disa herë se gjërat janë shtyrë për shkak të procedurave gjyqësore, gjegjësisht se pronarët kanë ngritur padi kundër vendimit të Qytetit për të ndërprerë kontratat. Tani ai paralajmëron rrënimin së shpejti të njërës prej anijeve.

“Kushtet për heqjen e anijes në Holiday Inn janë përmbushur plotësisht. Javën e ardhshme do të përcaktohet dinamika dhe për 40 deri në 60 ditë do të hiqet. Procedurat gjyqësore për anijen te MEPSO nuk kanë përfunduar ende”, tha Shilegov.

Galerat në Vardar janë pjesë e projektit “Shkupi 2014”. Gjatë një prej shumë ndryshimeve në Planin e detajuar urbanistik (PDU) Unaza e vogël, kur kryetari i Komunës së Qendrës ishte Vlladimir Todoroviq, vulat u pullat në shtratin e lumit për 6 platforma, 4 në anën e djathtë dhe dy në anën e majtë të Vardarit. Në tenderin publik në Qytetin e Shkupit në Shkurt 2012, iu shitën vetëm dy lokacione ndërmarrjes “Fallanga”, te ndërtesa e MEPSO-s dhe te hoteli “Holiday Inn”. Në dhjetor të të njëjtit vit, iu shit një vend tjetër kompanisë “Mulliri (Vodenica) midis dy urave për këmbësorë. Vendet e tjera për platforma që më pas u bënë anije, askush nuk donte t’i blinte dhe ato nuk u shitën.

Postime të ngjashme

Llajka: Vala e nxehtësisë ndikon edhe ndaj kafshëve, qytetarët të kenë kujdes me kanakarët e tyre

Z H

Normalizohet komunikacioni hekurudhor, makinistët e kanë ndërprerë bojkotin

Z H

Sllovenia dërgon 16 automjete dhe 46 zjarrfikës

Z H

Promovohet pulla postare kushtuar 20 vjetorit të Marrëveshjes së Ohrit

Z H

Zhurnal mëson / Pas 22 viteve, Policia Pyjore në Shkup me udhëheqës shqiptar

R Zh

Lëshohet në përdorim aplikacioni CommoPass për udhëtim jashtë vendit

Z H

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...