Agjencia Zhurnal.mk
Kosovë

AAK’ja i kërkon Albena Reshitajt që ta dorëzojë mandatin pasi e votoi Osmanin

Deputeti i AAK-së, Bekë Berisha, ka kritikuar mënyrën e zgjedhjes së presidentes së re të Kosovës duke thënë se u bë me pazare.

Ai i ka quajtur të pafytyrë politikë se ata deputetë që dolën kundër vendimeve të partive të tyre dhe i akuzoi se tradhtuan votat e tyre.

“Siç e kemi parë janë bërë pazare me deputetë. Si AAK kemi pasë kandidatin tonë për president dhe qëndrimet tona për këtë çështje dhe del një deputet kundër vendimeve tona të kryesisë dhe elektoratit. Po thuhet, s’jam dëshmitar, por dihet që ka pare dhe poste”.

Berisha ka thënë se pazaret e tilla nuk po bëhen për herë të parë, por se një metodë e tillë ishte kritikuar zëshëm nga Vetëvendosjes, të cilën ai po e akuzon se veproi në këtë mënyrë.

“I kanë blerë. Kjo është pafytyrësi politike. Këta deputetë e kanë tradhtuar votën e elektoratit të vet. Kësaj here ndodhi te AAK-ja. Nuk më ka befasuar veprimi i saj (Albena Reshitajt), por ka plot njerëz që e kanë votuar dhe që kërkojnë ta kthejnë mandatin”.

Deputeti për bashkëpartiaken e tij tha se nëse ka vendosur t’i merr benefitet nga ky pazar, sipas tij, le ta bëjë, por se mandati është duhet të kthehet në parti.

Berisha në Klan ka thënë se atij nuk iu ofrua ndonjë gjë në shkëmbim të votës.

“Njihem në opinion si njeri që nuk hyj në këto lloj pazare. Ata shkojnë te njerëzit me karaktere më të dobëta. Krejt Kosova e di që ne e kemi një qëndrim dhe e mbajmë atë”.

Deputeti i AAK-së, ndonëse nuk pret ndonjë mrekulli nga pushteti i ri, tha se duhet t’i jepet koha e nevojshme prej 100 ditësh që të fillohet me opozitarizëm.

Ai ka thënë se AAK-ja qëndron mirë në udhëheqje komunale dhe se beson se do të jetë mirë edhe në zgjedhjet e reja komunale të tetorit të këtij viti.

Postime të ngjashme

Zgjedhjet në PDK: Djali i Xhavit Halitit shpërndan një foto të Gent Cakajt

Dafina Vidishiqi

Kurti: Këtu bënin plane për çlirim – Zahiri, Ilir Konushevci, Hakif Zejnullahu e shumë të tjerë

Dafina Vidishiqi

Vetëvendosje ende e pavendosur për zgjedhjet lokale

Dafina Vidishiqi

Hoxhaj: Nuk lutemi që të mos kandidojë Bekim Jashari, Sami Lushtaku i fiton zgjedhjet pa balotazh në Skenderaj

Dafina Vidishiqi

Milaim Zeka: 3 korriku, dita kur duhet mu kthjellë PDK-ja

Dafina Vidishiqi

Kush janë emrat që mund të marrin drejtimin e PDK-së në Konventën e 3 korrikut?

Dafina Vidishiqi

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...