Agjencia Zhurnal.mk
Bota

Afrika e Jugut me mbi një milion raste me koronavirus

Afrika e Jugut u bë vendi i parë në kontinent që regjistroi mbi një milion raste me koronavirus.

Shifra u kumtua nga ministri i Shëndetësisë, Zweli Mkhize.

Ai tha se ky vend ka konfirmuar mbi një milion infektime dhe 26,735 viktima, që nga shpërthimi i pandemisë në muajin mars.

Këto shifra vijnë vetëm disa ditë pasi autoritetet konfirmuan se kanë zbuluar një variant të ri të koronavirusit në Afrikën e Jugut, me përhapje më të shpejtë.

Disa spitale dhe qendra mjekësore raportuan rritje të madhe të pranimit të pacientëve.

Varianti i ri i koronavirusit – i njohur si 501.V2 – besohet se po nxit rritjen e infeksioneve.

Ai është identifikuar nga një rrjet i shkencëtarëve të Afrikës së Jugut në provincën e Kepit Lindor dhe më pas është përhapur në pjesë të tjera të vendit.

Një tjetër variant i ri i koronavirusit është zbuluar tashmë edhe në Mbretërinë e Bashkuar, por të dyja këto variante kanë evoluar veçmas.

Të dyja kanë një mutacion – të quajtur N501Y – i cili është një pjesë thelbësore e virusit, që ai përdor për të infektuar qelizat e trupit.

Pas Afrikës së Jugut, vendi më i goditur në kontinentin afrikan është Maroku, i cili ka konfirmuar mbi 432,000 raste dhe 7,240 viktima.

Postime të ngjashme

Kina: Pretendimet për gjenocid ndaj ujgurëve janë absurde

T E

Zyrtarët vizitojnë kufirin SHBA-Meksikë mes rritjes së fluksit të emigrantëve

T E

Humb jetën në një aksident ajror parlamentari francez Olivier Dassault

T E

Ligjvënësi gjerman jep dorëheqjen, përfitoi nga kontratat për maskat

T E

Asnjë i vdekur nga Covid-19 në 24 orët e fundit në Britani

T E

Austria pezullon vaksinat AstraZeneca, një grua humbi jetën, një tjetër është në gjendje të rëndë

T E

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...