Katër persona kanë mbetur të vdekur si pasojë e një aksidenti të rëndë të ndodhur mëngjesin e sotëm në Toxotes Xanthi, Greqi.
Një makinë dhe një autobus u përplasën me njëri-tjetrin në autostradën e vjetër Ksanthi-Kavala.
Sipas medieve greke, 6 persona kanë mbetur të lënduar. Makina është shkatërruar plotësisht nga aksidenti, ndërsa personat që ndodheshin në të gjetën vdekjen e menjëhershme.
Si ndodhi aksidenti
Një makinë u përplas me një autobus që udhëtonte nga Toxotes në drejtim të Ksantisë.
Sipas vlerësimeve të para, drejtuesi i mjetit ka humbur kontrollin dhe është futur nën autobus. Përplasja ka qenë e rëndë, dhe pasagjerët e makinës kanë humbur jetën menjëherë.
