Agjencia Zhurnal.mk
Showbiz

Aktori Antonio Sabato Sr. vdes në moshën 77 vjeçare nga COVID-19

Antonio Sabato Sr., aktori italian ka vdekur në moshën 77 vjeçare për shkak të ndërlikimeve në lidhje me coronavirusin.

Lajmi për vdekjen e aktorit u konfirmua nga djali i tij me një postim në Instagram, që tregon një kolazh fotografish të babait të tij të ndjerë.

“Këtë mëngjes babai ynë Antonio Sabato, Sr. ka vdekur”, shkroi të dielën Sabato Jr.

Ai shtoi: “Vitet e tij të shumta si një aktor dhe skenarist i suksesshëm si në Itali dhe Shtetet e Bashkuara ishin pasioni i tij artistik. Ai kishte kaq shumë kureshtje e pasion duke përfshirë varkat me ishujt përreth Italisë, garat e Formula 1, gatimet e kuzhinës dhe shumë më tepër”.

Pasi kaloi për pak kohë në karrierën e babait të tij, Sabato Jr. mori kohë për të njohur atë edhe në jetën personale.

“Bujaria dhe sensi i tij i humorit ishte gjithnjë prezent. Sidoqoftë, asgjë nuk ishte më e rëndësishme për të ose e mbante vëmendjen e tij më shumë sesa dashuria e tij për fëmijët dhe nipërit e tij Jack Antonio, Mina Bree dhe Antonio III”, përfundoi postimin. “Zemrat tona janë thyer sot, do të na marrë malli për të. Ne të duam baba”.

Sipas Deadline, Sabato Jr. njoftoi më 4 janar se babai i tij ishte i shtruar në spital në Kaliforni.

Po ashtu thuhet se emigroi në Shtetet e Bashkuara të Amerikës me familjen e tij në vitet 1980.

Ai luajti në filma si “Bye Bye Vietnam” dhe “High Voltage”. Pjesëmarrja e fundit në një film ishte si Aldo Damiano në 2006 në “The Bold and the Beautiful”.

Përveç djalit, Sabato Sr. ka lënë pas edhe një vajzë, Simonne, dhe tre nipërit e mbesat.

Postime të ngjashme

Brenda super shtëpisë së aktores së njohur amerikane

T E

Dhurata Dora shijon pushimet në Maldive, merr vëmendje me një fotografi të publikuar pa makijazh

S.B.

Pse është e rëndësishme të mos humbasësh Trajtimin Klasik Kozmetik??!!

S.B.

Zack Snyder po punon rreth filmit të ri “King Arthur”

S.B.

Jolie shet pikturën e Churchillit për shtatë milionë funte

S.B.

Aktorja, Erica Watson vdes pas infektimit me COVID-19

S.B.

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...