115
Regjisori dhe aktori Justin Baldoni ka zbuluar së fundmi se pas xhirimit të një skene në filmin “It Ends With Us” ka pasur një situatë tejet stresuese.
Përkatësisht, Baldoni në episodin e podcast-it “How to Fail” me prezantuesen Elizabeth Day tha se për pak sa nuk kishte pasur një krizë nervore në xhirime.
Me atë rast, ai gjithashtu zbuloi se mjekët e kishin diagnostikuar së fundmi me ADHD.
“Regjia është një punë shumë e vetmuar, thjesht do të jem shumë i sinqertë tani. Kjo ndodh sepse je disi superior ndaj të tjerëve. Në momentet e tua të heshtjes, të gjithë kanë një mijë pyetje për ty dhe gjithashtu askush nuk dëshiron të të shqetësojë. Nuk ke shumë njerëz me të cilët të flasësh”, tha ai.