Spektakli global për zbulimin e talenteve do të nisë së shpejti edhe në Shqipëri.
Televizioni Vizion Plus ka bërë të ditur se “Albania’s Got Talent” do të fillojë më datën 11 nëntor, gjegjësisht në orën 21:00; në garën për të fituar 20 mijë euro.
Në mesin e jurisë së jashtëzakonshme në spektakël do të jenë emra shumë të njohur, duke përfshirë Agron Llakajn, Adelina Ismailin, Ledina Çelon dhe Kastro Zizon.
“Një juri e jashtëzakonshme, do të presë të hënën mbrëma talentet në Vizion Plus. Agron Llakaj, Adelina Ismaili, Ledina Çelo dhe Kastro Zizo, do t’ju shoqërojnë çdo fillim jave në spektaklin tuaj të preferuar të talenteve, nën drejtimin e Isli Islamit”, ka shkruar Vizion Plus në postimin e tyre në Instagram.
Formati Albania’s Got Talent është në kuadër të brendit global Got Talent, që u themelua nga Simon Cowell.
Është hera e parë që ky format i talenteve të larmishme organizohet në Shqipëri.