Agjencia Zhurnal.mk
Maqedoni

Aleksandër Vuçiq: Faleminderon SHBA-në për mbështetjen e Mini-Shengenit

Beograd, 22 prill 2021 – Zhurnal.mk – Presidenti serb, Aleksandar Vuçiq në lidhje me iniciativën mini-Shengen të nisur nga kryeministrat e Maqedonisë së Veriut dhe Shqipërisë, Zoran Zaev dhe Edi Rama, në bisedë me përfaqësuesit e Këshillit Atlantik deklaroi se amerikanët e kanë mbështetur dhjetë herë më shumë sesa evropianët dhe se ai “pyeste veten pse është kështu” dhe se rajoni i Ballkanit Perëndimor mund të jetë motori i zhvillimit të të gjithë Evropës nëse formohet një treg i vetëm nën iniciativën “Mini Shengen”.

Siç njoftoi korrespodenti i MIA-s nga Beogradi, kur u pyet nga Xhim O’Brajan për të komentuar se si i sheh pengesat në realizimin e iniciativës “Mini Shengen” dhe procesin e Berlinit, Vuçiq tha se ai nisi iniciativën “Mini Shengen” dhe se ajo nuk është asnjë alternativë ndaj rrugës evropiane për vendet e Ballkanit Perëndimor.

Siç theksoi, ai argument shpesh mund të dëgjohet si një justifikim për të mos marrë pjesë në atë nismë, kryesisht për arsye politike.

“Kjo është një ide e shkëlqyeshme dhe unë jam krenar për të, theksoi Vuçiq dhe porositi se ajo është e mirë për të gjithë rajonin dhe për të gjithë individualisht.

Ai e falënderoi SHBA-në për mbështetjen e idesë, duke shtuar se amerikanët e mbështesin atë dhjetë herë më shumë se BE-ja.

Vuçiq shtoi se Prishtina refuzoi të bashkohej me nismën, ndërsa më pas nënshkroi marrëveshje në Uashington që e parashikon atë, por që ata edhe më tej nuk kanë asgjë për të bërë në lidhje me atë çështje.

“Për Ramën nuk ishte e lehtë sepse Kosova refuzon të marrë pjesë, kur i pyet pse, nuk ka asnjë shpjegim racional. Gjithashtu, disa në presidencën e BeH-së nuk dëshirojnë të bëhen pjesë e kësaj nisme sepse ata konsiderojnë se ky është propozim nga Serbia. Është e njëjta gjë edhe me Malin e Zi”, tha Vuçiq.

“Ne duhet t’u japim atyre më shumë garanci dhe të jemi shumë bindës në mënyrë që ata të kuptojnë se nuk është mirë vetëm për Serbinë, por edhe për ata. Nëse krijojmë një treg të vetëm, ne mund të jemi motori i rritjes për të gjithë Evropën”, theksoi Vuçiq.

Duke folur për agjendën e gjelbër, ai tha se kjo nuk është një çështje e lehtë për rajonin, as për Serbinë, megjithëse të gjithë bien dakord që transformimi i gjelbër është i domosdoshëm, çështja e zvogëlimit të përdorimit të qymyrit në prodhimin e energjisë elektrike dhe të ngjashme.

Vuçiq tha se Serbia ka filluar të punojë në atë fushë së bashku me BE-në, e cila tani është shumë më e kënaqur me çështjen se më parë, por që nevojitet edhe një qasje e ekuilibruar.

“Ne nuk jemi të interesuar për krijimin e Serbisë së Madhe – për ne, Serbi e Madhe do të thotë një ekonomi më e mirë, më shumë fabrika, zbatimi i agjendës së gjelbër, por pa e rrezikuar ekonominë, paga më të mira, infrastrukturë më të mirë”, deklaroi presidenti serb në një seri të bisedimeve të organizuara nga Këshilli Atlantik.

Postime të ngjashme

Vetoja bullgare mund të shkaktoj krizë politike në vend

R Zh

Zhurnal raporton / Aksident i rënd në Çento-Shkup

mobile

Akuza të tjera ndaj ish-kryeministrit maqedonas Nikolla Gruevski

R Zh

Izet Mexhiti: Urime dhe për shumë vite festa e Fitër Bajramit

R Zh

George Robertson: Bullgaria të tërheq veton kundër Maqedonisë së Veriut

R Zh

Zoran Zaev: Kufiri me Greqinë hapet nesër

R Zh

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...