Shkup, 2 shtator, zhurnal.mk – Pronari i objektit te Mavrovasja, Mevludin Aliti në deklaratë para mediave tha se ai është pronari i objektit që u dogj nga zjarri dhe se nuk janë të sakta informacionet se ai nuk ka qenë i qasshëm për policinë.
“Mund lirisht të shihni se ditën e parë kur erdhën, unë isha aty, ua dhashë dokumentet për objektin”, tha Aliti.
Ai bëri të ditur se vjet ka gjetur mjet eksploziv në objekt dhe se sivjet i është djegur dhe se kanë kaluar 50 ditë ende nuk dihen arsyet.
“Personi që dëshiron objektin tim le të paraqitet që t’ia dhuroj dhe të mos mundohemi më shumë”, tha Aliti i cili tha se po ndërton me elaborat dhe projekt dhe se ka paguar mbi 400 mijë denarë për legalizim.
“Do të shkojmë në gjyq dhe do të kërkojmë dëmshpërblim për këtë. Por nuk do të ndalemi me kaq, ne drejtësi do të kërkojmë edhe në Strasburg”, deklaroi pronari i objektit tek Mavrovasja që aktualisht po rrënohet nga N.P. Rrugët e Maqedonisë.
Aliti para gazetarëve prezantoi edhe dokumentet të cilat i posedon. Sipas tij rrënimi është për shkaqe politike.
