Ambasada e SHBA-së përkrahë reagimin e ambasadorit gjerman ndaj Rakiqit, që krahasoi aksionin e policisë në veri me “Natën e Kristaltë”

Ambasadori i Gjermanisë në Kosovë, Jorn Rohde, ka reaguar ndaj një deklarate të ministrit serb në Qeverinë e Kosovës, Goran Rakiq.

Këtë reagim e ka mbështetur Ambasada e Shteteve të Bashkuara të Amerikës në Kosovë.

Nga kjo ambasadë e kanë shpërndarë reagimin e Rohde, duke lënë të kuptohet se mbështesin reagimin e tyre.

Ndryshe, ministri në Qeverinë e Kosovës, Goran Rakiq, duke iu referuar aksionit të policisë së Kosovës në veri, atë e ka krahasuar me “Natën e Kristaltë”, shkruan mediumi në gjuhën serbe kossev.info, përcjell Telegrafi.

Një deklaratë të tillë ai e kishte dhënë para se të takoheshin me presidentin e Serbisë, Aleksandar Vuçiq.

Siç kishte thënë ai, ndërsa presidenti serb është duke shkuar në Rashkë për shkak të ngjarjeve të fundit, të gjithë serbët nga Veriu po shkojnë në Rashkë.

Unë nuk e di sa njerëz do të ketë, nëse është e nevojshme, 10, 15 mijë njerëz do të vijnë, dhe ne nuk mund dhe nuk do ta tolerojmë më këtë. Dhe kjo është një Natë e Kristaltë për ne, ky është takimi më i rëndësishëm për ne deri më tani”, citohet të ketë thënë Rakiq.

Dhe lidhur me këtë, ambasadori gjerman ka thënë: “Ndaloni! Krahasimi i aksionit të sotëm të policisë me ‘natën e kristaltë’ është i papranueshëm. Krahasime të tilla kontribuojnë drejt rrëfimeve të shtrembërimit dhe mohimit të Holokaustit. #MbroniFaktet”.

Kujtojmë se ishte nata e 9 nëntorit të vitit 1938, kur nazistët gjermanë filluan terrorin ndaj hebrenjve në Gjermani dhe Austri.

Atë natë thuhet se u dogjën më shumë se dyqind sinagoga, u përdhosën varrezat e hebrenjve dhe u thyen gjithë dyqanet e tyre.

Nga gjithë xhamat e thyer dhe të rënë nëpër tokë, që dukeshin si kristale në atë natë mizore 9 nëntori njihet në historinë moderne të njerëzimit si Nata e Kristaltë (Kristallnacht).

Related posts

Voton kryetari i KQZ-së, bën thirrje për proces të qetë zgjedhor

D V

Haziri kërkon vaksinimin masiv të qytetarëve: Gjendja me COVID-19 është alarmante

D V

Ish-prokurori Sylë Hoxha: Kurrfarë marrëveshje nuk kemi bërë me askënd

D V

This website uses cookies to improve your experience. We'll assume you're ok with this, but you can opt-out if you wish. Accept Read More