Agjencia Zhurnal.mk
Shqipëri

Ambasadori Britanik Duncan Norman në Gjirokastër: Palët politike të gjejnë konsensus sa më parë

Ambasadori britanik Duncan Norman është ndalur në Gjirokastër për një vizitë dyditore. Ndalesa e tij e parë ka qenë në universitetin e Gjirokastrës për të bërë prezantimin e bursave Chevening.

Bursat e dhëna nga qeveria britanike ofrojnë mundësinë për të studiuar një program master njëvjeçar të financuar plotësisht, në secilin prej universiteteve të Mbretërisë së Bashkuar dhe i jepen liderëve të ardhshëm në një larmi fushash studimi.

Gjatë fjalës së vet ambasadori Duncan theksoi faktin se qëllimi i kësaj mbështetjeje financiare dhe arsimore është inkurajimi i aseteve intelektuale që në përfundim të këtij specializimi të kontribuojnë në zhvillimin e vendit të tyre.

“Jemi duke diskutuar mbi ndryshimet e lojës e nëse partitë politike janë dakord me këto ndryshime. Shqipëria ka një histori të gjatë rrugëtimi për gjetjen e konsensusit të reformës zgjedhore dhe shpresoj që në vijim të shohim këtë konsensus të realizohet. Do të doja që partitë të negocionin në mirëbesim. Ndërkombëtarët i mbështesin fuqimisht marrëveshjen e 5 qershorit për të cilën punuam për një kohë të gjatë por u takon partive nëse ata duan të kalojnë përtej asaj marrëveshjeje dhe koha është e shkurtër ndaj është e rëndësishme të gjendet një marrëveshje sa më parë. Çdo vend ka një sistem të ndryshëm për zgjedhje dhe çdo sistem ka avantazhet dhe disavantazhet e veta. Nuk I takon një ambasadori të huaj dhe ndërkombëtarëve të thotë cili do të ishte sistemi me i përshtatshëm për Shqipërinë. Qeveria britanik punon fort me qeverinë shqiptare për të luftuar krimin e organizuar që vazhdon të jetë një sfidë e madhe dhe ajo që ndodh në dy vendet ndikon. Na duhet nje pune e përbashkët nëse duam ta luftojmë krimin e organizuar. Britania e mbështet fort anëtarësimin e Shqipërisë në be dhe reformat që ajo duhet të ndërmarrë.” ka thënë ambasadori.

Postime të ngjashme

Fundi i maratonës së Gramoz Ruçit

Dafina Vidishiqi

Kongresi, vendimet e rëndësishme që morën 3000 delegatët socialistë

Dafina Vidishiqi

Greqia shtyn masat deri në 21 qershor për kufirin me Shqipërinë

Dafina Vidishiqi

12 raste të reja me coronavirus në Shqipëri

Dafina Vidishiqi

Kryetari i Kuvendit të Shqipërisë jep dorëheqjen nga politika

Dafina Vidishiqi

Meta kujton Ditën e Çlirimit të Kosovës: Dita për të nderuar luftën e drejtë të UÇK-së

Dafina Vidishiqi

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...