Agjencia Zhurnal.mk
Kosovë

Ambasadori Gjerman në Kosovë: Skenat e sotme në Kuvend janë të papranueshme

Ambasadori gjerman në Kosovë i ka quajtur të papranueshme përplasjet që ndodhen në Kuvend ditën e enjte mes partisë në pushtet dhe atyre në opozitë.

Deputetë nga të dy taborët janë sharë, fyer dhe kanë shtyrë njëri-tjetrin gjatë seancës.

Tensionet u krijuan pasi deputetët e Partisë Demokratike të Kosovës (PDK) filluan ta kritikojnë ministren e Punëve të Jashtme, Donika Gërvalla, për një deklaratë të dhënë për media vite më parë për Dhomat e Specializuara të Kosovës dhe ish-krerët e PDK-së, Hashim Thaçin e Kadri Veselin, të cilët i kishte cilësuar si njerëz të krimit.

“Nuk mund të ketë paqe të qëndrueshme në një shoqëri pa drejtësi. Ne këtë ua kemi borxh gjithashtu familjeve të viktimave. Është e rëndësishme të përkrahet puna e rëndësishme e Gjykatës Speciale e cila është e pjesë e ligjeve kosovare”, ka thënë ambasadori gjerman Jorn Rohde në një postim në Twitter.

“Skenat e sotme në Kuvend janë të papranueshme për një Parlament. Unë gjithashtu i konsideroj të papranueshme sulmet personale kundër ministres së Punëve të Jashtme Gërvalla”.

Shefi i grupit parlamentar të PDK-së, Abelard Tahiri, në fjalën e tij në Kuvend, e quajti ministren Gërvalla “përfaqësuese të Serbisë në Kosovë”.

Gërvalla tha se deputetët e PDK-së se janë fajtorët kryesorë që kanë ndihmuar në formimin e Dhomave të Specializuara.

Sharjet dhe fyerjet ndalen seancën për një kohë. Seanca filloi më vonë por pa deputetët e opozitës.

Postime të ngjashme

Haradinaj, Kurtit: Kërko vetëm njohjen reciproke

Dafina Vidishiqi

Dështon sërish të nisë gjykimi ndaj Bukoshit, për “Fondin e 3%”

Dafina Vidishiqi

Krejt çka u ndodhi dhe u tha sot në takimin Kurti-Vuçiq në Bruksel

Dafina Vidishiqi

Kurti kërkoi largimin e tij nga delegacioni serb, Odaloviq: Jam i gatshëm të tërhiqem

Dafina Vidishiqi

Thaçi: Kurti ta sabotojë dialogun nëse kërkohet “Ahtisari Plus”

Dafina Vidishiqi

Komentohet propozimi i Kurtit për Traktatin e Paqes Kosovë-Serbi

Dafina Vidishiqi

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...