Prishtinë, 16 mars – Deputetët e Partisë Demokratike të Kosovës janë shprehur të pikëlluar për vdekjen e babait të ish-presidentit, Hashim Thaçi.
Enver Hoxhaj është shprehur se ai ishte një burrë atdhetar, që i dha Kosovës gjithçka dhe u shpreh se ia dha Kosovës edhe djalin e vet.
“Një burrë atdhetar, një burrë që i dha Kosovës gjithçka – ia dha Kosovës edhe djalin e vet, Presidentin tonë – Hashim Thaçin! Të pushoftë shpirti në paqe baca Haxhi”, shkroi Hoxhaj.
Edhe deputetja Blerta Deliu përmes një postimi në Facebook shprehur ngushëllime për vdekjen e Haxhi Thaçit
“Lamtumirë, baca Haxhi! Ngushëllimet e mia më të sinqerta Presidentit Hashim Thaçi dhe gjithë familjes Thaçi. Humbja e prindit është dhimbje e pazëvendësueshme, por kujtimi dhe vepra e tij do të jetojnë përherë”, shkroi ajo.