Agjencia Zhurnal.mk
Bota

Arabia Saudite dënon një aktiviste me mbi pesë vjet burgim

Një aktiviste e njohur në Arabinë Saudite, e cila kishte bërë fushatë për të drejtën e grave për të drejtuar makinën, është dënuar me më shumë se pesë vjet burgim.

Loujain al-Hathloul, 31 vjeç, tashmë ka qenë në një burg të sigurisë së lartë për dy vjet e gjysmë. Ajo dhe aktivistët e tjerë u arrestuan më 2018 nën akuzat që përfshinin edhe kontaktet me organizata armiqësore për Arabinë Saudite.

Grupet ndërkombëtare të të drejtave të njeriut vazhdimisht kanë kërkuar lirimin e saj, raporton BBC. Por të hënën, Gjykata e Specializuar Penale e vendit, e cila u krijua për të gjykuar çështjet e terrorizmit, e dënoi atë për akuza të ndryshme, përfshirë përpjekjen për të dëmtuar sigurinë kombëtare dhe për të çuar përpara një agjendë të huaj.

Gjykata e dënoi atë me pesë vjet e tetë muaj burgim. Dy vjet e dhjetë muaj të dënimit u tha se janë pezulluar. Duke përfshirë vitet e pezulluara dhe tashmë të vuajtura në burg, Al-Hathloul, mund të lirohen vitin e ardhshëm.

Ajo dhe familja e saj kanë mohuar të gjitha akuzat. Ata gjithashtu kanë thënë se ajo është torturuar në burg – akuza që gjykata i hodhi poshtë.

Hathloul u arrestua vetëm disa javë para se gratë saudite më në fund të lejoheshin të vozisnin më 2018. Zyrtarët sauditë këmbëngulin se ndalimi i saj nuk ka asnjë lidhje me atë çështje. Ekspertët e të drejtave të njeriut kanë thënë se gjyqi i saj nuk i plotësonte standardet ndërkombëtare.

Në nëntor, Amnesty International dënoi transferimin e saj në Gjykatën e Specializuar Penale, duke thënë se ky veprim shpërfaqë “brutalitetin dhe hipokrizinë” e autoriteteve saudite. Rasti është vlerësuar si një goditje shtesë për reputacionit e liderit të Arabisë Saudite, Princit të Kurorës, Mohammed Bin Salman.

Ai ka udhëhequr një program reformash, duke përfshirë edhe lejimin e grave që të drejtojnë makinën, në një përpjekje për të hapur mbretërinë konservatore për investime. Por, ai gjithashtu është kritikuar për shtypjen e vazhdueshme të aktivistëve të të drejtave të njeriut, si dhe rolin e autoriteteve saudite në vrasjen e gazetarit, Jamal Khashoggi.

Postime të ngjashme

Avioni bën ulje të detyruar në Sofje! Pasagjeri sulmoi stjuardesën dhe…

T E

Frika nga protesta e grave, Pallati Presidencial rrethohet me barrikada para 8 marsit

T E

Tërmet tjetër me madhësi 4.2 të shkallës Rihter “trondit” Larisën

T E

Piloti fik motorrët e avionit me 101 persona në bord, tmerrohen pasagjerët

T E

Mianmar, forcat e sigurisë hapin zjarr, bëjnë bastisje

T E

Pronari merr peng qiraxhijtë e padëshiruar, i lidh e i hedh dhjetra km larg

T E

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...