Agjencia Zhurnal.mk

Arrestime në Turqi për arratisjen e liderit të Nissan-it

Policia turke ka arrestuar të paktën shtatë persona në Stamboll në lidhje me arratisjen e ish-drejtuesit të Nissan-Renault, Carlos Ghosn, i cili iku në Liban nga Japonia përmes Stambollit.

Ish-kreu i Renault-Nissan, nuk do të ekstradohet nëse arrin në Francë, tha Parisi zyrtar, ndërsa policia turke hapi një hetim të hënën ndërsa Carlos Ghosn iku në Liban përmes aeroportit të Stambollit.

Ish-menaxheri i përgjithshëm Renault-Nissan, i cili është në pritje të gjykimit nën arrest shtëpiak në Japoni, pohoi të martën se kishte mbërritur në Liban, por jo sepse po ikte nga drejtësia, por për të shpëtuar veten nga padrejtësia dhe përndjekja politike.

“Nëse Ghosn arrin në Francë, ne nuk do ta ekstradojmë atë sepse Franca kurrë nuk ekstradon shtetasit e tij”, tha Sekretarja e Shtetit për Ekonominë, Agnes Pannier-Runacher. Ajo pohoi se “askush nuk është mbi ligjin”.

Ghosn ishte njeriu më i paguar i kompanisë në Japoni, ku ndaj tij u ngrit akuza për abuzime financiare dhe gjykimi i tij është caktuar për në prill të vitit 2020.

“Unë jam në Liban. Unë nuk jam më një peng i sistemi me drejtësi të njëanshme sicc e ka Japonia”. shkroi ai në një artikull të botuar në fillim të kësaj jave pas mbërritjes në Beirut.

Ministria e Brendshme e Turqisë ka hapur një hetim mbi tranzitin përmes aeroportit të Stambollit, njoftoi Reuters të hënën. Ai shton se u arrestuan shtatë persona.

Hurriyet shkruan se policia kufitare turke nuk ishte informuar për ardhjen e tij ose për faktin se hyrja ose dalja e tij ishte regjistruar, raporton Reuters.

Autoritetet japoneze lejuan Ghosn të mbante një pasaportë franceze, ndërsa ai ishte në pritje të lirimit me kusht, raporton NHK të enjten.

Një burim i afërt me hetimin në Tokio tha se Ghosn kishte në zotërim dy pasaporta franceze, njëra prej të cilave ishte e mbyllur me një kod sekret.

Biznesmeni Ghosn ka nënshtetësi franceze, libaneze dhe braziliane dhe këto pasaporta ruhen nga avokatët e tij.

Ghosn u largua nga Tokio me ndihmën e një kompanie private të sigurisë. Katër aktakuza janë ngritur kundër tij në Japoni, dy për të ardhura që nuk raportohen nga Nissan tek autoritetet e aksioneve dhe dy për shkelje të rëndë të besimit.

Pas aktakuzës, Ghosn humbi presidencën e Nissan-it dhe Mitshubishi Motors, dhe më pas dha dorëheqjen si kreu i Renault.

Ai u arrestua në 19 nëntor 2018 në Tokio, dhe u la i lirë nën arrest shtëpiak në kushte të rrepta në prill të këtij viti. /tesheshi.com/

Marketing 2/1

Marketing 2/2

Marketing 2/1

Marketing 2/2

Z H

Lajmet e fundit

Loading...