Agjencia Zhurnal.mk

Arrestohen dhjetëra protestues e gazetarë në Bjellorusi

Janë arrestuar rreth 50 protestues në kryeqytetin bjellorus, Minsk, pas përleshjeve me policinë.

Raportohet se policia ka përdorur gaz lotsjellës për të shpërndarë disa mijëra protestues më 11 tetor.

Asociacioni i Gazetarëve në Bjellorusi ka thënë se të paktën dhjetë gazetarë janë në mesin e të arrestuarve.

Agjencia shtetërore e lajmeve ruse, TASS ka thënë se tre korrespondentë të saj janë arrestuar.

Bjellorusia po përballet me protesta masive që prej zgjedhjeve presidenciale të 9 gushtit, të cilat po konsiderohen se janë manipuluar. Aleksandar Lukashenka ka shpallur veten fitues të këtyre zgjedhjeve.

Ndërkohë protestuesit opozitarë po kërkojnë që rezultati zgjedhor të anulohet dhe të mbahen zgjedhje të reja.

Një pjesë e shteteve e kanë shpallur Syatlana Tsikhanouskaya fituese të zgjedhjeve.

Tsikhanouskaya, liderja opozitare, menjëherë pas zgjedhje është larguar për në Lituani, pas kërcënimeve ndaj familjes së saj.

Marketing 2/1

Marketing 2/2

Marketing 2/1

Marketing 2/2

T E

Lajmet e fundit

Loading...