Arrestohen shtatë të dyshuar për përfshirje në kontrabandë të 15 emigrantëve

Policia e Kosovës ka arrestuar sot shtatë të dyshuar për kontrabandë me emigrantë.

 

Përmes një komunikate për medie është bërë e ditur se, “sot, më 24.07.2021 rreth orës 06:30, njësitet policore kufitare gjatë vëzhgimit të terrenit në Vërmicë, konkretisht nën urë e parë të autostradës, pikërisht tek shkyçja e parë e autostradës, kanë vërejtur lëvizje të dyshimta”.

Tutje shpjegohet se në atë lokacion “kanë ardhur gjashtë vetura TAXI, kurse nga shkurret dhe mali kanë dalë dhe kanë hy në automjete disa emigrantë”.

“Patrullat policore që ishin në vëzhgim menjëherë kanë intervenuar dhe gjashtë automjete janë shoqëruar në Stacionin Policor për Mbikëqyrje të Kufirit-Vërmicë”, thuhet tutje në komunikatë.

Policia thekson se, “për rastin janë njoftuar hetuesit policor të Drejtorisë Rajonale të Policisë Kufitare-Perëndimi Gjakovë, Drejtoria e Migrimit dhe prokurori i shtetit”.

“Zyrtarë policorë nga Drejtoria për Migrim, kanë filluar sipas procedurave të merren me pesëmbëdhjetë emigrantë të ndaluar në këtë rast”, thuhet në komunikatë.

Kurse, pas intervistimit, me aktvendim të prokurorit, janë dërguar në mbajtje shtatë të dyshuar meshkuj kosovarë për përfshirje në veprën penale ‘kontrabanda me emigrantë’, po ashtu janë sekuestruar edhe gjashtë vetura të përfshira në rast. 

Related posts

Po peshkonte në lumë/ 55-vjeçari ndërron jetë pasi prek telat elektrikë

D V

Policia kap dy shtetas të huaj që tentuan të futen ilegalisht në Kosovë

D V

Është konfiskuar drogë në automjet të MPB-së në kufirin mes Shqipërisë dhe Malit të Zi

D V

This website uses cookies to improve your experience. We'll assume you're ok with this, but you can opt-out if you wish. Accept Read More