Është arrestuar dhe dërguar në mbajtje xhudisti kosovar, Akil Gjakova, i dyshuar për dhunë në familje.
Zëdhënësi i Policisë së Kosovës për rajonin e Pejës, Driton Rugova ka thënë për gazetën online Reporteri.net se Akil Gjakova është vetëdorëzuar në polici mbrëmë në pikën kufitare në Vërmicë.
“Akil Gjakova, i dyshuar për dhunë në familje është vetëdorëzuar mbrëmë në orët e vona në pikën kufitare në Vërmicë. I njëjti është dërguar në mbajtje për 48 orë”, tha Rugova.
Policia e Kosovës e ka shpallur në kërkim të martën xhudistin Akil Gjakova, si të dyshuar për dhunë në familje. Ndërsa, Federata e Xhudos e Kosovës njoftoi më vonë se xhudisti ndodhet jashtë vendit dhe se do të “dorëzohet sapo të kthehet” në vend.
Gjakova, ishte në kërkim veprën penale dhunë në familje.