Futbollisti i Kombëtares së Kosovës, Leart Paqarada nuk do të lejohet të grumbullohet me Kombëtaren e Kosovës për ndeshjet e nëntorit.
Lajmin e ka konfirmuar vetë skuadra gjermane FC St. Pauli.
“Paqarada do të qëndrojë në Hamburg pas konsultimeve me zyrtarët e klubit”, thuhet në njoftimin e klubit.
Paqarada nuk është futbollisti i vetëm që do t’i mungojë Kosovës, pasi edhe Milot Rashica nuk e ka pasur lejen e klubit për të udhëtuar me ‘Dardanët’.
