Agjencia Zhurnal.mk
Maqedoni

ASH-AAA: Qytetarët përpos dhimbjes për humbjen e të afërmve nga COVID-19, detyrohen të paguajnë shuma të majme për varrim

Shkup, 7 janar, Zhurnal.mk – Nëpërmjet një njoftimi të koalicionit opozitar ASH-AAA thuhet se “çdo ditë jemi dëshmitar që Qeveria Zaev 2, është një orkestër e ç’akorduar dhe e desinkronizuar”.

Sipas tyre, qytetarët kanë mbetur në mëshirë të fatit, pa trajtim adekuat shëndetësor dhe se, siç thonë ata, pa punë dhe varfëria dita ditës troket në familjet tona.

“Sipas të gjitha statistikave, Maqedonia e Veriut është me vdekshmëri më të madhe nga COVID19 dhe përveç problemeve të shumta, familjarët janë të detyruar të ndajnë mjete të majme për funeralet e të vdekurve nga kjo sëmundje”

“Sipas informatave që i kemi, kompani të ndryshme funeralesh e kanë keqpërdorur situatën dhe për shërbimet e tyre kanë kërkuar nga minimum 25.000 deri në 120.000 denarë, çmim ky i lartë, sepse ka pasur nevojë për një qese të veçantë PVC, në të cilën është mbështjellë trupi i të ndjerit, si dhe një arkivol prej kallaji, duke u bazuar,sipas tyre në një protokoll inekzistent, i cili sipas Inspektoratit Shtetëror Sanitar dhe Shëndetësor nuk ekziston fare”, shprehen nga ASH-AAA.

Ata pyesin pse MSH për nëntë muaj ka lejuar një gjë të tillë dhe ka lejuar plaçkitjen e qytetarëve dhe në çfarë llogarie janë paguar paratë nga ana e qytetarëve për qesen PVC dhe arkivolin me trupin e të ndjerit nga COVID-19.

“Cilat janë kompanitë e kontraktuara nga ana e Ministrisë së Shëndetësisë, për plaçkitjen e qytetarëve”, thonë nga ASH-AAA.

Ata kërkojnë të ndërpritet kjo vjedhje klasike nga Qeveria dhe e njëjta të hartojë protokoll për varimin e të vdekruve nga COVID-19.

“Familjet e dëmtuara, shumica raste sociale, menjëherë të dëmshpërblehen, që t’u kthehen paratë e vjedhura dhe kjo kategori e qytetarëve të përfshihet në pakon e pestë (5-të) të Qeverisë”, thuhet në fund të njoftimit.

Postime të ngjashme

Berisha: Ndalni tërbimin e policisë kundër protestuesve paqësorë shqiptarë në Shkup

T E

Mariçiq: Kjo është një ditë e madhe për shtetin ligjor dhe për sundimin e së drejtës

T E

Spasovski: Hetimi duhet të dëshmojë ku është lëshimi dhe nëse dikush i ka ndihmuar Mijallkovit

T E

Zhurnal mëson / BDI nesër mbledh kryesinë në Reçicë të Vogël

Bexhet Musliu

Todorov i drejtohet Mickoskit: Ik, derisa unë luftoja kundër Zaevit ti ndërtoje hidrocentrale

T E

Arjanit Hoxha takim pune me kolegun e tij turk, Bekir Pakdemirli

Bexhet Musliu

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...