Gara e mbrëmshme atletike ofroi polemika të vërteta në garën e 5000 metrave për femra, pasi keniases Faith Kipyegon iu hoq para kohe medalja e saj.
Gjatë garës, Kipyegon u përplas me Gudaf Tsegay nga Etiopia, e cila njihet për sjelljen e saj të turpshme gjatë garave dhe me atë rast nuk e lejoi kenianen t’i kalonte.
Në fund, Kipyegon përfundoi në vendin e dytë, menjëherë pas bashkatdhetares Beatrice Chebet (1:28.56) me një sekondë dhe katër të qindtat e sekondës prapa, dhe përpara holandezes Sifan Hassan.
Më pas gjyqtarët vendosën të s’kualifikonin Kipyegon për shkak të shtytjes së lartpërmendur, por padrejtësia u korrigjua pas apelit të keniases.
Asaj iu kthye medalja e argjendtë dhe u shpërblye me medalje në garën më prestigjioze në botë, ndërsa Tsegay përfundoi në vendin e nëntë.
Për incidentin foli edhe e bronzta Hassan, duke kujtuar problemet e saj me Tsegay.
“Është gjithmonë dramë me Tsegay. Ajo më shtyu vitin e kaluar dhe ajo gjithmonë tërhiqet dhe shtyn. Ndihem keq për Faith. Nuk do të më shqetësonte nëse do t’i kthenin medaljen e argjendtë”, ka thënë Hassan përpara se Kipyegon t’i kthehej medalja.