Agjencia Zhurnal.mk
Auto

Audi prezanton versionin më të fuqishëm të e-Tronit dhe e-Tron Sportbackut

Prodhuesi prestigjioz gjerman i veturave, Audi, ka prezantuar versionin më të fuqishëm “S” të modelit e-Tron.

Versioni “S” do të ofrohet për disa modele nga seria e-Tron, duke përfshirë edhe atë Sportback. Risia te ky version më i fuqishëm është nën kofano, e ajo është drejtimi sinergjik me tre motorë elektrikë, dy nga të cilët janë të vendosur në boshtin e pasmë.

Gjithashtu, ky version i ri vjen me kapacitet prej 503 kuajfuqi, gjë që është e mjaftueshme që shpejtësinë nga 0 deri në 100 kilometra në orë ta arrijë për 4.5 sekonda dhe atë maksimale deri në 210 km/orë, transmeton KOHA. Në përdorim të rregullt, kur nuk është i aktivizuar opsioni “S”, versioni i ri ka kapacitet prej 435 kuajfuqish.

Bateria e versionit S ka kapacitet prej 95kWh, gjë që është e mjaftueshme për të kaluar deri në 364 km, ndërsa versioni Sportback deri në 370 km. Sistemi i mbushjes përfshin fuqinë e mbushjes deri 150 kW dhe Audi thotë se deri në 80 për qind e kapacitetit të baterisë mund të mbushet për gjysmë ore.

Versioni S, po ashtu, vjen me mbrojtësit anësorë më të gjerë, mbrojtësit tjerë “agresivë”, mbrojtësin e pasmë shtesë, si dhe set të rrotave 22-inçësh nga alumini.

Audi e-Tron në version S në tregun evropian pritet të arrijë këtë vjeshtë, ndërsa çmimi fillestar në Gjermani është 91.345 euro dhe 93.628 për versionin Sportback.

Postime të ngjashme

Apple konkretizon planet për veturën elektrike, bashkëpunon me kompani të njohura

S.B.

Gjysmë shekulli nga klasiku i Mercedesit

S.B.

Si të mbroni veturën nga gërvishtjet në një garazh publik?

S.B.

Kjo markë veturash lë të gjithë rivalët pas

S.B.

Volkswageni arrin marrëveshje për pagat me sindikatën IG Metall

S.B.

Citroen prezantoi C5 X – Kombinim i sedanit, SUV-it dhe kamionçinës

S.B.

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...