Agjencia Zhurnal.mk

Australia i kërkon Google dhe Facebook të ndajnë fitimet nga reklamimi me mediat

Qeveria i ka kërkuar autoritetit të konkurrencës të përpilojë një kod sjellje të detyrueshëm mes mediave dhe platformave dixhitale pasi dështuan diskutimet për rishikimin e pagesave.

Australia do të detyrojë Facebook dhe Google të ndajnë të ardhurat nga reklamimi me mediat dhe gazetat online lokale duke u bërë vendi i parë në botë që u kërkon platformave dixhitale të paguajnë për përmbajtjet që përdorin.

Vendimi i autoriteteve Australiane erdhi pasi mediat lokale u ankuan se gjigantët e teknologjisë kanë kontroll të lartë mbi reklamimin, burimin kryesor të të ardhurave të tyre.

Qeveria i ka kërkuar autoritetit të konkurrencës të përpilojë një kod sjellje të detyrueshëm mes mediave dhe platformave dixhitale pasi dështuan diskutimet për rishikimin e pagesave.

Tregu i reklamimit në Australi ka një vlerë prej 9 miliardë dollarë në vit dhe është rritur me 8 herë që prej 2005.

Për çdo 100 dollarë të shpenzuara në një reklamë online, 1/3 shkon për Google dhe Facebook.

Dhjetorin e kaluar Australia tha se Google dhe Facebook kishin rënë dakord se nuk do të abuzonin me pozitat dominuese e as të dëmtonin konkurrencën.

Dy kompanitë reaguan duke thënë se ishin të zhgënjyera nga vendimi i autoriteteve por që do të bashkëpunonin për kodin e sjelljes. /PCWorld Albanian

Marketing 2/1

Marketing 2/2

Marketing 2/1

Marketing 2/2

S.B.

Lajmet e fundit

Loading...