Agjencia Zhurnal.mk
Bota

Avionët luftarakë izraelitë godasin 8 objektiva në Siri

Në shënjestër ishin një kamp i udhëhequr nga iranianët dhe pozicionet e forcave të regjimit

Avionët luftarakë izraelitë kanë goditur 8 objektiva në Siri që i përkasin Gardës Revolucionare Iraniane Kuds dhe forcave të regjimit të Asadit, njoftoi sot ushtria izraelite përmes një deklarate, transmeton Anadolu Agency (AA).

“Sulmi dëmtoi depot, bazat komanduese dhe komplekset ushtarake si dhe bateritë e raketave tokë-ajër”, thuhet në deklaratë.

Sipas të njëjtës deklaratë, sulmet ajrore, të cilat filluan të martën në mëngjes dhe përfunduan mëngjesin e sotëm erdhën si përgjigje ndaj eksplozivëve të gjetur nga ushtria izraelite në kufi, të cilat ishin vendosur nga një celulë siriane që vepron nën drejtimin iranian.

Avichay Adraee, zëdhënësi i ushtrisë izraelite, në Twitter tha: “Ne (ushtria izraelite) shënjestruam 8 objektiva brenda Sirisë, përfshirë një kamp të udhëhequr nga Irani i përdorur si selia kryesore për forcat iraniane pranë Aeroportit Ndërkombëtar të Damaskut”.

“Goditjet u bënë për të përcjellë dy mesazhe të qarta: së pari, ne nuk do të lejojmë vazhdimin e pozitës iraniane në Siri në përgjithësi dhe në kufijtë tanë në veçanti, dhe së dyti, nuk do të lejojmë që regjimi sirian të mbyllë sytë para këtij pozicioni”, tha Adraee.

Agjencia siriane e lajmeve (SANA) citoi një burim ushtarak i cili tha: “Armiku sionist kreu një sulm ajror nga Lartësitë e okupuara siriane të Golanit në rajonin jugor”.

Që nga fillimi i luftës civile në Siri në vitin 2011, Izraeli ka kryer disa sulme ndaj forcave të Hezbollahut të mbështetur nga Irani dhe ushtria siriane, duke pretenduar për hedhje raketash në territorin e saj herë pas here nga Siria dhe Lartësitë e Golanit.

Postime të ngjashme

Putin nënshkruan ligjin që mbron të dhënat e zyrtarëve të sigurisë

Dafina Vidishiqi

30 mijë fëmijë rrezikojnë të vdesin nga uria në Tigray të Etiopisë

Dafina Vidishiqi

Mbretëresha i bëri të qeshnin udhëheqësit e G7: A duhet të dukeshit sikur po kënaqeni gjatë pozimit?

Dafina Vidishiqi

Putin: Marrëdhëniet me SHBA-në në nivel më të keq në vitet e fundit

Dafina Vidishiqi

G7-ta sot pritet ta hartojë planin global anti- COVID

Dafina Vidishiqi

Kanadezët marshojnë kundër islamofobisë

Dafina Vidishiqi

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...