Agjencia Zhurnal.mk
Kosovë

Avokati Hooper: Nuk e pranoj asnjë kriter për burgosjen e Thaçit, të lirohet me kusht

Prishtinë, 18 nëntor, Zhurnal-ks – Avokati mbrojtës i Hashim Thaçit në Gjykatës Speciale,David Hooper ka deklaruar se si në seancën e kaluar edhe këtë herë kërkon lirimin me kusht të Thaçit.

Ai tha se është mirë që të aplikohet lirimi i tij me kusht dhe se duhet pasur parasysh nxjerrjen e plotë të argumenteve që janë vënë në dispozicion.

“Çështja është e rëndësishme duke pas parasysh mbajtjen në burgim të Thaçit. Në seancën e parë e thash se nuk e pranoj asnjë kriter të vetëm për burgosjen e Thaçit që parashikohet në nenin 41.Kështu që në këto rrethana është mirë që të aplikohet lirimi i tij me kusht, poashtu e kam thënë edhe në seancë e kaluar se modalitetet ose mënyrat se si duhet të realizohet ky ushtrim, pra gjëja apo çështja e parë është se duhet të kemi nxjerrje të plotë të argumenteve që janë vënë në dispozicion për ju z.gjykatës. Për sa i takon interesit në çështjen në fjalë. Unë kam marrë vlerësimin e redaktuar të prokurorisë për një urdhër arresti e këto dokumentacione kanë redaktime të çuditshme. P.sh në paragrafin dy thuhet se duke pas parasysh nenet pastaj pjesa tjetër është redaktuar, pjesa e ligjit nenit e pastaj është redaktuar. Pra redaktime të tilla s’mund të justifikohen, jo vetëm kaq por referencat tregojnë sjelljen ose keqsjellje në llogari të Thaçit gjatë dokumentacionit dhe emrat e dëshmitarëve janë të redaktuar dhe është një pjesë që duhet të diskutohet”, tha ai.

Avokati Hooper shtoi se prokurori do të duhej të shqyrtojë versionet,që të jenë më pak të redaktuara e të sigurojë të gjitha provat të jenë të cituara në fund të faqes.

“Ky dokumentacion të vihet në momentin e parë pra sa më shpejtë të jetë e mundur tek mbrojtja pra nëse është e mundur brenda tri ditësh. Në momentin kur kemi një material të tillë dhe për çdo të akuzuar pra të mund të merret parasysh aplikimi i individualitetit.Pra të bëhet ndarja e të akuzuarve dhe të gjenden modalitetit e përshtatshme.  Edhe gjatë debatit pra të na nxjjerr dokumentacionet e të na bëhen të ditura dokumentacionet që të kemi mundësi të përgjigjemi. Pra në fund të ditës çështja është në përfitim dhe parashtrimit me gojë. Do t’i drejtohem gjykatës kur të jemi tërësisht të përgatitura dhe të kemi një marrëveshje midis nesh.Mendoj se sot iu kërkoj z.gjykatës, pra për të ardhmen e afërt që të bieni dakord për modalitetet e parashtruara sipër”, shtoi ai.

Ndryshe në Hagë është duke vazhduar seanca e dytë me radhë në kuadër të Dhomave të Specializuara ndaj ish-pjesëtarëve të UÇK-së, Hashim Thaçi, Jakup Krasniqi, Kadri Veseli dhe Rexhep Selimi.

Gjatë seancës së parë gjyqësorë që të katër të akuzuarit deklaruan se kanë lexuar aktakuzat dhe se ndjehen të pafajshëm.

Postime të ngjashme

Për Serbinë udhëheqësit Kosovarë nuk janë të interesuar për dialog dhe kompromis

N E

5 të vdekur dhe 382 raste të reja me Kovid-19 në 24 orët e fundit në Kosovë

N E

Albin Kurti javën e ardhshme viziton Brukselin

N E

Vazhdon vaksinimi në Kosovë

N E

Richard Grenell: Nuk kam dëgjuar që dikush në BE apo në SHBA i ka dhënë kredibilitet këtij dokumenti

R Zh

Azem Vllasi e quan të rrëzikshëm pamfletin për ndryshimin e kufijve

N E

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...