Agjencia Zhurnal.mk
Bota

Azerbajxhan, 10 të vdekur në sulmin armen në qytetin Ganja

Numri i të vdekurve nga sulmi armen me raketa në qytetin e dytë më të madh të Azerbajxhanit, Ganja, ka arritur në 10, njoftuan sot autoritetet lokale, transmeton Anadolu Agency (AA).

Zyra e Kryeprokurorit Publik të Azerbajxhanit përmes një kumtese bëri të ditur se një civil tjetër iu nënshtrua plagëve pas sulmit që shkeli armëpushimin e vendosur paraprakisht midis dy palëve.

“Me keqardhje të thellë informojmë se njëra prej të plagosurve, Aliyeva Gunay Zahid, e lindur në vitin 1992, vdiq në spitalin ku po pranonte trajtim. Aktualisht, po trajtohen civilët e tjerë të plagosur”, thuhet në njoftim.

Më herët gjatë të dielës, prokurorët njoftuan se si rezultat i sulmit të ushtrisë armene në Ganja, qytet i vendosur jashtë vijës së frontit, të paktën 9 persona përfshirë 4 gra u vranë brenda 24 orësh nga armëpushimi, ndërsa 35 të tjerë u plagosën.

Si rezultat i raketave të lançuara ndaj ndërtesave të banuara në pjesën qendrore të qytetit, mbi 10 ndërtesa banimi dhe më shumë se 100 objekte u “dëmtuan në masë të gjerë”.

Presidenti i Azerbajxhanit, Ilham Aliyev, u zotua për një “hakmarrje të përshtatshme” ndaj sulmeve të Armenisë, duke vënë në dukje se sulmi i fundit ishte një “krim lufte” dhe një “shkelje e rëndë” e Konventave të Gjenevës.

“Sulmi është një tjetër manifestim i fashizmit armen dhe mosrespektim i negociatave të zhvilluara nën ndërmjetësimin e Rusisë. Këto sulme të neveritshme nuk mund të thyejnë kurrë vullnetin e popullit azerbajxhanas”, tha Aliyev.

Armenia dhe Azerbajxhani në një takim në Moskë ranë dakord që nga 10 tetori në mesditë të shpallet armëpushim për qëllime humanitare për shkëmbimin e të burgosurve dhe trupave të të vrarëve.

Përleshjet e reja filluan kur forcat armene shënjestruan vendbanimet civile të Azerbajxhanit dhe pozicionet ushtarake në rajon, duke shkaktuar viktima.

Katër rezoluta të Këshillit të Sigurimit të OKB-së dhe dy rezoluta të Asamblesë së Përgjithshme të OKB, si dhe shumë organizata ndërkombëtare, kërkojnë tërheqjen e forcave pushtuese.

Postime të ngjashme

Mbi 300 persona të akuzuar për sulmin në Kongresin amerikan

T E

Raporti që vë në alarm Italinë: Rreziku nga Covid-19 është rritur, nevojiten masa të reja

T E

Synohet të ulet me 10% të dendësia mesatare e ndotjes së ajrit

Bexhet Musliu

Intensifikohet kërkimi në fushën e qarqeve të integruara

Bexhet Musliu

Dhoma e Përfaqësuesve miraton ndihmën prej 1.9 trilion dollarësh

T E

Greqia “blindon” Kakavijën, shtrëngohen masat për tu futur në këtë vend

S.B.

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...