Agjencia Zhurnal.mk
Maqedoni

Aziri Xhaferit: Ndjek shembullin e Izet Mexhitit, cili publikisht votoi kundër shtyrjes së regjistrimit

Shkup, 2 mars, Zhurnal.mk – Seanca shtyerjen e regjistrimit vazhdoi në ora 19:30, ndërsa ndërkohë do të mbahet ad-hok koordinim mes grupeve të deputetëve dhe kryetarit të Kuvendit, Talat Xhaferi.

Debati për shtyrjen e regjistrimit në shtator po zhvillohet kryesisht mes deputetëve të Aleancës për Shqiptarët dhe Alternativës, të cilët janë kundër shtyrjes së regjistrimit dhe të BDI-së, të cilët vlerësojnë se regjistrimi duhet të shtyhet dhe kjo nuk do të ndikojë në procesin.

Deputetët e Aleancës për Shqiptarët dhe Alternativës e përsërisin qëndrimin e tyre se shtyrja e regjistrimit nuk është për shkak të pandemisë me Kovid-19, por për shkaqe politike, respektivisht për shkak të regjistrimit masiv të shqiptarëve nga diaspora. Ata u bënë thirrje deputetëve të BDI-së “që menjëherë të qëndrojnë pas diasporës” dhe të votojnë kundër shtyrjes së regjistrimit për shtator. Sipas tyre, “BDI-ja është fajtore për largimin e shqiptarëve nga vendi”.

Deputetët Elmi Aziri dhe Halil Snopçe i kanë bërë thirrje kryetarit të Kuvendit Talat Xhaferi që të mos votojë për shtyrjen e regjistrimit, duke e përkujtuar në një deklaratë të tij televizive se “pandemia nuk është shkak për shtyrjen e regjistrimit”. Aziri tha se Xhaferi duhet ta ndjek shembullin e Izet Mexhitit, i cili publikisht tha se nuk do ta përkrah shtyrjen e regjistrimit.

Xhaferi u prononcua me replikë dhe kërkoi që deputetët të mos përzihen në qëndrimet e tij, të cilat janë konsistente, dhe se ai përgjigjet vetëm para qytetarëve, të cilët e kanë zgjedhur. Për shembullin që e potencoi Snopçe, ai tha se nuk është tradhtar dhe se ka qenë general në UÇK dhe nuk turpërohet nga kjo.

Koordinatori i grupit të deputetëve të BDI-së, Arbër Ademi tha se opozita shqiptare vazhdimisht i ndryshon qëndrimet.

Në rend të ditës së séancës së 38-të të Kuvendit janë edhe ndryshimet e Kodit zgjedhor, me të cilin parashikohet përdorimi i terminaleve për leximin e shenjave të gishtave në zgjedhjet lokale, që po ashtu do të shtyhen për gjysmën e dytë të tetorit.

Pas përfundimit të seancës së 38-të të Kuvendit, siç u paralajmërua, do të vazhdojnë e 20-ta, 25-ta, 26-ta, 29-ta, 30-ta dhe seanca e 34-të e Kuvendit.

Kryetari i Kuvendit Talat Xhaferi paralajmëroi se deputetët sonte do të mund të punojnë më gjatë që t’i përfundojnë obligimet e planifikuara.

Postime të ngjashme

Në fshatin Nerasht u mbajt kuvendi i nëndegës së Lëvizjes BESA

Dafina Vidishiqi

Mungojnë punëtorët në Maqedoni, sindikata: Situata alarmante, paguani punëtorët sa duhet

Dafina Vidishiqi

Vazhdon çmontimi i anijeve në lumin Vardar

Dafina Vidishiqi

Palmer: Me rëndësi është të përshpejtohet aderimi i Maqedonisë së Veriut në BE

Dafina Vidishiqi

“Muhafizi i 200 hafizave i’a dorëzoi shpirtin krijuesit të vet”

Dafina Vidishiqi

Hysni Ismaili pjesëmarrës në Sesionin e tetë plenar të Bashkëpunimit të Evropës Juglindore që mbahet në Antali të Turqisë i ri

Dafina Vidishiqi

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...