Agjencia Zhurnal.mk
Kosovë

Bajrami në Uashington, takon përfaqësues të lartë të FMN-së

Zhurnal Ads

Ministrja e Ekonomisë dhe Transfereve, Hykmete Bajrami, gjatë vizitës së saj në Uashington e ka takuar përfaqësuesin e lartë të Fondit Monetar Ndërkombëtar, njofton Insajderi.

Sipas komunikatës ministrore, fokusi i diskutimeve ishte ndikimi i pandemisë COVID-19 në shoqërinë dhe ekonominë e Kosovës.

Gjatë këtij takimi, ministrja Bajrami dhe Kammer diskutuan për mënyrat e forcimit të bashkëpunimit veçse të shkëlqyeshëm ndërmjet Republikës së Kosovës dhe FMN-së, duke përfshirë mundësinë e një programi të ri që do të kishte për qëllim mbajtjen e stabilitetit makro-financiar dhe mbështetjen e përpjekjeve të Kosovës për trajtimin e pandemisë.

Ministrja Bajrami diskutoi mbi angazhimin e Qeverisë në menaxhimin e ndikimit të pandemisë në financat publike dhe mënyrat për të mbështetur rimëkëmbjen ekonomike, si dhe inicimin e reformave strukturore.

Ajo falënderoi FMN-në për mbështetjen e saj përgjatë viteve, përfshirë përmes Instrumentit të Financimit të Shpejtë, i cili u disbursua me shpejtësi në periudhën e shpërthimit fillestar, në muajin prill. Ajo gjithashtu rikonfirmoi zotimin e Kosovës për thellimin e mëtejshëm të bashkëpunimit me FMN-në.

Nga ana tjetër, Kammer përgëzoi autoritetet kosovare për përpjekjet e tyre për trajtimin e sfidave socio-ekonomike si pasojë e pandemisë, si dhe përsëriti gatishmërinë e FMN-së për të gjetur mënyra për të forcuar bashkëpunimin me Kosovën në mbështetje të përpjekjeve të saj në ruajtjen e stabilitetit makro-fiskal dhe avancimin e reformave për përmirësimin e perspektivës afatgjate ekonomike të Kosovës.

Zhurnal Ads
Zhurnal Ads

Postime të ngjashme

Çmendet media e Beogradit: “Serbia do të përpi Kosovën dhe Shqipërinë”

admin

Qalaj në 21 vjetorin e themelimit të Policisë së Kosovës: Në këtë kohë pandemie jemi 12 orë në shërbim të popullit

admin

Vetura e gazetarit Shkumbin Kajtazi u sulmua me 5-6 plumba

admin

Mustafa takohet me Zemajn, flasin për situatën me pandeminë

admin

Kush është avokati i Kadri Veselit? Ben Emmerson, e njeh shumë mirë Kosovën dhe luftën e UÇK-së

S.B.

​Hykmete Bajrami në ‘luftë kundër hajnave’

T E
duke ngarkuar....

This website uses cookies to improve your experience. We'll assume you're ok with this, but you can opt-out if you wish. Accept Read more...