Balla pret ambasadorin gjerman: Fazë e re bashkëpunimi me opozitën

Kryetari i grupit parlamentar të Partisë Socialiste, Taulant Balla zhvilloi sot një takim me ambasadorin e Gjermanisë në Shqipëri, Peter Zingraf.

“Në këtë fillim legjislature e informova ambasadorin gjerman mbi objektivat tanë kryesorë në këtë mandat të tretë, ku natyrshëm objektiv kryesor është procesi i anëtarësimit në Bashkimin Europian”, tha Balla. Gjatë takimit, Balla i shprehu ambasadorit vendosmërinë e grupit parlamentar të Partisë Socialiste për të krijuar një fazë të re bashkëpunimi me opozitën në funksion të axhendës integruese të vendit dhe të pritshmërive të qytetarëve shqiptarë.

Me këtë rast falënderova në emër të “grupit parlamentar ambasadorin Zingraf, mbi rëndësinë që Gjermania i kushton marrëdhënieve shumë të ngushta shumëplanëshe me Shqipërinë dhe mbështetjen e pakursyer për afrimin me familjen europiane, e cila u dëshmua edhe nga vizita e para pak javësh e kancelares gjermane në Tiranë, por edhe nga angazhimi i partive kryesore politike gjermane”, tha Balla.

Related posts

700 mijë shqiptarë deri më tani kanë marrë të dyja dozat e vaksinës, Manastirliu: Vaksinohuni, mbroni jetë

D V

Reshjet e dendura të shiut shkaktojnë probleme në Vlorë, disa akse nën ujë

Z H

Shqipëria u prek ndjeshëm nga pandemia COVID-19, por iu përgjigj fuqishëm krizës

D V

This website uses cookies to improve your experience. We'll assume you're ok with this, but you can opt-out if you wish. Accept Read More