Banka Botërore: Maqedonia këtë vit me një rritje prej 4.6 për qind

Ekonomia në vend do të shënojë rritje prej 4.6 për qind këtë vit, parashikon Banka Botërore. Në dy vitet e ardhshme rritja do të jetë nën 4 për qind, që do të thotë vitin e ardhshëm PBB-ja do të jetë 3.7 për qind, dhe në 2023 3.4 për qind. Banka Botërore pret që ekonomia të rimëkëmbet ngadalë, prodhimi nga kompanitë vendase do të rritet. Kjo do të rezultojë në zvogëlimin e deficitit buxhetor, rritjen e eksporteve dhe zvogëlimin e vlerës së mallrave të importuara nga jashtë.

Skenari bazë bazohet në supozimin se ritmi i imunizimit do të vazhdojë dhe nuk do të ketë mbyllje të mëtejshme për shkak të koronavirusit në vitin 2021, por edhe në besimin e konsumatorit dhe investitorëve që duhet të mbetet e lartë – njoftojnë nga Banka Botërore.

Raporti thekson gjithashtu se kjo krizë shëndetësore ekonomike do të kontribuojë në thellimin e borxhit publik, i cili sipas vlerësimeve deri në vitin 2023 do të arrijë 65% të Prodhimit të Brendshëm Bruto.

“Për të rritur më seriozisht rritjen ekonomike, qeveria duhet të zhvendosë fokusin e saj në reformat strukturore dhe institucionale.” Institucioni financiar ndërkombëtar u tregon autoriteteve të vendit se ata duhet të gjejnë zgjidhje për funksionimin më të mirë të kompanive shtetërore, prodhimin e kapitalit njerëzor, institucione përgjegjëse dhe të pavarura, sundimin e ligjit, mbështetjen e investimeve në sektorin privat dhe rritjen e konkurrencës”.

Raporti i Bankës Botërore mbulon vendet e Evropës dhe Azisë Qendrore. Sa i përket rajonit, vetëm Bosnja dhe Hercegovina ka një parashikim më të ulët për rritjen ekonomike edh atë prej katër për qind. Të gjitha vendet e tjera renditen më mirë se Maqedonia. Banka Botërore ka pritje më të mira për Malin e Zi, ku parashikohet një rritje prej 10.8 për qind, e ndjekur nga Shqipëria me 7.4 për qind, Kosova me 7.1 për qind dhe Serbia me 6 për qind. Pritjet e Qeverisë në Shkup për rritjen e PBB-së, janë më të ulëta se Banka Botërore dhe parashikojnë 4.1 për qind.

Related posts

Kovaçevski: Ka mjaftueshëm energji elektrike për amvisëritë, çmimi ngelet i njëjtë

Z H

Analizë: Maqedonia në garë me vende të zhvilluara me taksën ekologjike për derivatet

Z H

Qytetarët nga sigurimi i jetës për gjashtë muaj arkëtuan 4.6 milionë euro

D V

This website uses cookies to improve your experience. We'll assume you're ok with this, but you can opt-out if you wish. Accept Read More