Agjencia Zhurnal.mk
Bota

Bashkëpunimi tejkalon shumë dallimet Kinë-BE

Bashkëpunimi tejkalon shumë ndryshimet midis Kinës dhe Bashkimit Evropian (BE), tha Këshilltari i Shtetit dhe ministri i Jashtëm i Kinës Wang Yi gjatë një bisede telefonike të martën me ministrin slloven të Punëve të Jashtme Anze Logar.

Nuk ka asnjë konflikt interesash themelore midis Kinës dhe BE-së dhe bashkëpunimi tejkalon shumë dallimet midis dy palëve, tha Wang, duke theksuar se si Kina dhe BE-ja mbështesin me vendosmëri shumëpalësinë, rolin qendror të Kombeve të Bashkuara në çështjet ndërkombëtare dhe zgjidhjen e mosmarrëveshjeve me mjete paqësore.

Wang tha se Kina dhe BE-ja duhet të forcojnë dialogun dhe shkëmbimet dhe të sigurojnë një mjedis të drejtë dhe jo-diskriminues biznesi për ndërmarrjet e dy palëve në frymën e barazisë, përfitimit të ndërsjellë dhe bashkëpunimit të favorshëm.

Sllovenia do të marrë presidencën e radhës së BE-së në gjysmën e dytë të vitit të ardhshëm. Kina shpreson që Sllovenia ta shfrytëzojë këtë mundësi për të nxitur procesin e integrimit evropian, zhvillimin më të madh të marrëdhënieve Kinë-BE dhe bashkëpunimin e vendeve të Evropës Qendrore dhe Lindore, tha kryediplomati kinez.

Logar shprehu shpresën që presidenca e radhës e vendit të tij të shërbejë si një rast për nxitur agjendën e trajtimit të ndryshimit të klimës dhe mbrojtjen e biodiversitetit për të forcuar bashkëpunimin me Kinën dhe për të nxitur më tej partneritetin gjithëpërfshirës strategjik BE-Kinë.

Diplomati i lartë slloven vuri në dukje se Kina luan një rol të rëndësishëm në trajtimin e çështjeve botërore, duke shtuar se asnjë sfidë globale nuk mund të trajtohet pa pjesëmarrjen e Kinës.

Postime të ngjashme

Di Maio: Bashkëpunim më i fortë italo-amerikan në Libi

S.B.

Mbretëria e Bashkuar përgatitje për fazën e dytë të programit të vaksinimit

S.B.

Pakistani do të marrë 15 milionë vaksina kundër COVID-19 nga Gjermania

S.B.

OKB: Birmania mund të jetë Siria e radhës

S.B.

Londra: Dallime të mëdha me BE për marrëveshjen e Irlandës së Veriut

S.B.

Putin refuzon takimin me presidentin ukrainas, V. Zelensky

S.B.

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...