Agjencia Zhurnal.mk
Bota

BE-ja firmos paktin post-Brexit

Bashkimi Europian firmosi sot, 30 dhjetor, formalisht marrëveshjen me Britaninë e Madhe për të vazhduar raportet e mira tregtare edhe pas largimit të saj nga unioni.

Ceremonia e nënshkrimit në Bruksel kishte si pjesëmarrës presidenten e Komisionit Europian, Ursula fon der Lajen, dhe presidentin e Këshillit, Sharl Mishel.

Dokumentet u transferuan më pas me avionin mbretëror drejt Londrës për të marrë edhe firmën e kryeministrit britanik, Boris Xhonson.

Dokumenti me 1,240 faqe i njohur zyrtarisht si Marrëveshje BE-Britani për Tregti dhe Bashkëpunim u arrit në prag të Krishtlindjeve pas muajve me negociata intensive.

Me mirëkuptim, palët vendosën që nga 1 janari 2021 të mos aplikojnë tarifa për mallrat mes shteteve; për pesë vite e gjysmë, Britania do të marrë vetëm 25 për qind të vlerës së peshqve që kapen në ujërat e saj; një organ i ri do të trajtojë mosmarrëveshjet e mundshme; do të garantohet konkurrenca e drejtë në treg; ndërsa për sa i përket udhëtimeve, britanikëve do u duhet një vizë për të qëndruar më gjatë se tre muaj në një vend të BE-së.

Kushtet e marrëveshjes tregtare me BE-në u debatuan edhe në parlamentin britanik, i cili do të duhet të shprehet përfundimisht para mesnatës së 31 dhjetorit.

Kryeministri Xhonson u tha të mërkurën (30 dhjetor 2020) ligjvënësve se marrëveshja pas Breksitit hap një kapitull të ri në historinë e Britanisë, duke i rikthyer asaj sovranitetin e vjetër.

Postime të ngjashme

Italia në alarm nga mutacioni i ri: Fëmijët e kopshteve dhe shkollave po injektojnë në masë familjet e tyre

T E

Falsifikoi rrëmbimin e tij për të shmangur shkuarjen në punë

T E

Sllovakia zgjat gjendjen e jashtëzakonshme

T E

Siria dënon sulmet amerikane kundër milicive pro-iraniane

T E

Në dyshim plani i Netanyahut për t’u dhuruar vaksina shteteve mike

T E

Ish-mbreti spanjoll paguan 4.4 milionë euro, pas skandaleve

T E

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...