Agjencia Zhurnal.mk
Bota

BE mirëpret dialogun pozitiv me Turqinë

Presidenti i Këshillit Evropian, Charles Michel, mirëpriti dialogun aktual pozitiv me Turqinë, tha sot një zyrtar i Bashkimit Evropian (BE) pas takimit të Michel-it me ministrin e Punëve të Jashtme të Turqisë, Mevlüt Çavuşoğlu.

“Presidenti i Këshillit të BE-së përshëndeti dialogun aktual pozitiv dhe theksoi rëndësinë për të de-eskaluar tensionet në mënyrë të qëndrueshme në Mesdheun lindor”, tha zyrtari, duke shtuar që Michel i kërkoi Çavuşoğlu-t “përmbajtje nga aktivitetet që mund të ushqejnë tensionet”.

Zyrtari tha se anëtarët e Këshillit të BE-së do të diskutojnë marrëdhëniet me Turqinë përsëri në muajin mars, duke shtuar se BE “pret të rinisë përparimi në bisedimet kërkimore midis Turqisë dhe Greqisë si dhe procesin e zgjidhjes së Qipros”.

“Presidenti i Këshillit të BE-së përsëriti dëshirën për të pasur një marrëdhënie konstruktive me Turqinë, por duhet të shohë rezultate të dukshme në terren”, shtoi zyrtari, duke theksuar se Michel kishte mirëpritur ftesën e presidentit turk Recep Tayyip Erdoğan për një vizitë në Ankara, ku akoma duhet të caktohen data dhe formati i vizitës.

U shtua se agjenda pozitive me Turqinë “mund të përfshijë përqendrimin në çështjet e migracionit, modernizimin e uninut doganor dhe dialogjet sektoriale të nivelit të lartë”.

Michel në Twitter u shpreh se kishte diskutuar marrëdhëniet BE-Turqi me Çavuşoğlu-n para samitit të liderëve të BE-së që do të mbahet në muajin mars.

“Dialogu duhet të prodhojë rezultate të dukshme në interes të BE-së dhe Turqisë”, tha ai.

Çavuşoğlu, i cili të mërkurën arriti në Bruksel në një vizitë dyditore, u takua me disa zyrtarë të lartë, duke përfshirë Presidentin e Këshillit Evropian, Charles Michel, Presidenten e Komisionit Evropian, Ursula von der Leyen, si dhe shefin e politikës së jashtme të BE-së, Josep Borrell.

Postime të ngjashme

Kombet e Bashkuara dërguan 63 kamionë me ndihma humanitare në Idlib

S.B.

Varroset me nderime ambasadori dhe truproja e tij që u vranë në Kongo

S.B.

Greta Thunberg merr çmimin e ri prestigjioz

S.B.

Kryeministri armen kërkon përkrahje nga mbështetësit e tij kundër ushtrisë

S.B.

Presidenti kinez shpall fitoren: Bëmë një “mrekulli”, zhdukëm varfërinë ekstreme

S.B.

Zhdukja e varferise, sukses me efekt global

Z H

This website uses cookies to improve your experience. We'll assume you're ok with this, but you can opt-out if you wish. Accept Read more...