Agjencia Zhurnal.mk
Ekonomi Maqedoni

Besimi: Nëse kompanitë e zgjerojnë biznesin 30 deri në 50 për qind të linjës kreditore pa interes do të shndërrohet në grant

Shkup, 18 shkurt – Është e rëndësishme që kompanitë që kanë treguar rezultate pozitive, t’i investojnë mjetet e tyre për zhvillimin e bizneseve, për çka dhe vijon ndihma shtesë nga shteti. Me masën “Kredi me 0 për qind interes për sektorët më të prekur” këto kompani do të kenë mundësinë që të transformojnë 30 për qind të linjës kreditore në grant, nëse zgjerojnë aktivitetin e tyre ekonomik ose rrisin numrin e të punësuarve, tha ministri i Financave, Fatmir Besimi i ftuar në emisionin “Magazina ekonomike”.

“Nëse kompanitë e zgjerojnë biznesin e tyre gjatë këtij viti me të paktën 10 për qind krahasuar me vitin paraprak, atëherë 30 për qind e kredisë shndërrohet në grant. “Nëse e rrisin numrin e të punësuarve për 5 për qind krahasuar me vitin e kaluar, atëherë 50 për qind e linjës kreditore bëhet e pakthyeshme, përkatësisht grant” tha Besimi në pjesëmarrjen në emisionin “Magazina ekonomike” në televizionin Alsat-M, transmeton Zhurnal.mk

Ai thekson se kjo pako nuk është vetëm shpëtim për ekonominë, por është një pako për rimëkëmbjen ekonomike dhe rritjen ekonomike. Pikërisht, për këto arsye u ridizejnua edhe masa “Mbështetje financiare për pagesën e pagave”. Siç thekson Besimi, “nëse në të kaluarën, kompanitë që vitin 2020 do ta realizojnë me fitim duhet të kthejnë 50 për qind të subvencioneve, nëse aktualisht e investojnë këtë pjesë, nuk janë të detyruar t’i kthejnë mjetet në buxhet, por do t’i shfrytëzojnë ato për zgjerimin e biznesit dhe zhvillimin e ekonomisë’’.

Qëllimi është që këto mjete të adresohen për zhvillim dhe investime, ku në vend të kthimit të tyre në buxhet do të ridedikohen në zhvillimin e ekonomisë vendore. Domethënë, kjo masë do të kombinohet me masën për kredi me interes 0 për qind dhe ideja është që të transformohemi tërësisht në një model të destinuar në përshpejtimin e ekonomisë, potencoi ai. (Zhurnal.mk)

Postime të ngjashme

Qeveria e miratoi Protokollin shëndetësor për zbatimin e regjistrimit

T E

Analistët për Zhurnal: Problemi me bullgarët do të jetë më shumë serioz se ai grek

Z H

Qeveria miraton Propozim ligjin për shpallje të malit Sharr si Park Kombëtar

T E

Georgievski: Nëse i falëm serbët, pse mos falim dhe bullgarët

T E

Delegacioni kuvendor mori pjesë në onlajn takimet e shkurtit të AP-së së NATO-s

R Zh

Mariçiq: Fillimi i negociatave kyçe në definimin e ritmit të reformave

T E

This website uses cookies to improve your experience. We'll assume you're ok with this, but you can opt-out if you wish. Akcepto Më tepër...