Teknologji

Bezos kryeson listën e Forbes për të tretin vit radhazi si njeriu më i pasur në botë

Zhurnal Ads

Shefi ekzekutiv i Amazon, Jeff Bezos, kryesoi listën e Forbes për amerikanët më të pasur për të tretin vit radhazi, ndërsa rangimi i presidentit Donald Trump u ul më poshtë, derisa pandemia e coronavirusit goditi pasurinë e tij si hotelet dhe vendpushimet, tha revista të martën.

Pasuria e përgjithshme e listës “Forbes 400” u rrit në një rekord 3.2 trilionë dollarë, pasi amerikanët më të pasur vazhduan të bënin mirë edhe pse pandemia ka shkatërruar ekonominë dhe ka bërë që më shumë se 1.8 milion amerikanë të humbin punën e tyre.

Pasuria e Bezos prej 179 miliardë dollarësh, që nga 24 korriku, është rritur 57 për qind nga viti i kaluar, transmeton Telegrafi.

Eric Yuan, shefi ekzekutiv i Zoom Video Communications, i cili është bërë i kudondodhur në epokën e punës nga shtëpia, ishte një nga 18 të sapoardhurit në listë me një vlerë neto prej 11 miliardë dollarësh.

Renditja e Trump ra në 352 nga 275 vitin e kaluar pasi pasuria e tij neto ra në 2.5 miliardë dollarë nga 3.1 miliard dollarë, pasi ndërtesat e zyrave, hotelet dhe vendpushimet kanë vuajtur gjatë pandemisë.

Lista vjetore mund të shërbejë si një mënyrë për të gjurmuar njerëzit më të pasur në vend që mbajnë më shumë pushtet, tha Kerry Dolan, ndihmës redaktor i në Forbes, në një intervistë me Reuters TV.

“Si shoqëri, të gjithë duhet ta dimë kush qëndron pas kompanive më të mëdha dhe çfarë po bëjnë me paratë e tyre”, tha ajo.

Postime të ngjashme

Poco M3 paraqiti telefonin inteligjent me bateri të madhe për 149 euro

S.B.

Galaxy Z Fold 2 po vjen më shpejt nga sa ishte menduar

admin

Google zyrtarisht prezanton Pixel 4a të lirë

admin
duke ngarkuar....

This website uses cookies to improve your experience. We'll assume you're ok with this, but you can opt-out if you wish. Accept Read more...